Ouvir RAFA Ritmo, Voz e Coração de Timor
AD Estrela Baguia vs Crazy Horse F.C iha kontinuasaun jogu Liga Futsal Timor-Leste époka 2026. Imajen/AFTL
Díli, 09 Novembru 2026 (RAFA) – AD Estrela Baguia susesu kolleta pontu másimu hafoin halakon nia ekipa adversariu Crazy Horse F.C ho score fantástiku 7-3 iha jogu kontinuasaun Liga Futsal Timor-Leste Primeira Divizaun époka 2026.
Duelo entre ekipa rua ne’ebé hala’o iha kampu Futsal F-FDTL iha Díli, Domingu liubá, AD Estela Baguia domina kedas bola iha inisiu hodi lansa kontra atake hasoru Crazy Horse F.C.
Ho dominante bola ne’e konsege produs rezultadu ne’ebé liu husi golu ne’ebé kontribui husi jogador Dadang Prasetyo iha minutu hitu no Daud Manimau iha minutu ualu hodi lidera uluk ho score 2-0.
Crazy Horse konsege hamihis diferensa iha minutu 11 liu husi jogador Dion Alves hodi muda score sai 2-1.
Iha minutu 12 ho minitu 19, jogador AD Estela Baguia Akran no Daud Manimau taka jogu primeira parte ho golu rua hodi hatuur score 4-1.
Hakat ba jogu segunda parte tensi jogu hahú manas. Crazy Horse konsge marka golu ida hodi hamihis score sai 4-2 liu husi jogador Isaias Verdial iha minutu 21.
Ekipa AD Estrela Baguia halo revolta ho lalais no marka tan golu tolu tutuir malu liu husi jogador Zaquel Snches iha minutu 22, Bendito Ramos minutu 23 no Ramadhan iha minutu 27.
Crazy Horse F.C foin produs golu ida hodi muda score sai 7-3 to’o termina jogu segunda parte vitória ba AD Estela Baguia
Jornalista: Davilio Valdamir/Mario Fili
Written by: RafaFM
AD Estela F.C Baguia Halakon Crzay Horse F.C Score 7-3
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt