Ouvir RAFA Ritmo, Voz e Coração de Timor
Díli, 24 Outubru 2026 (RAFA)- Ad. Baucau All Star F.C empata ho Mauputar F.C ho score 2-2 iha jogu kontinuasaun Liga Futsál Timor-Leste primeira divizaun ne’ebe hala’o iha Kampu Futsal F-FDTL, Díli, Sesta -ne’e.
Dezde inisiu ekipa rua hatudu kedas dominasaun jogu. Maibé tama ba minutu 18 ekipa Ad. Baucau All Star fura kedas golu ida ba nia adversáriu Mauputar F.C liu husi jogadór Rivaldo Joaquim Mesquita hodi halo score 1-0.
Ho score ne’e lori mós ekipa Mauputar F.C mantein hala’o jogu ho disiplina no halo atake ba advesáriu. Maibé la rezulta golu tanba defeza husi Ad.Baucau All Star F.C nian solidu tebes hodi la fó fatin.
Jogu kontinua manas liután. Ekipa rua hala’o jogu ho defensivu no kontra atake ba malu hodi tenta marka golu. Maibé, oportunidade hirak ne’e la sai realidade, nune’e score mantein nafatin 1-0 to’o remata jogu primeira parte.
Kontinua ba jogu segunda parte, ekipa Maputar F.C lakohi lakon esperitu no vontade jogu hodi fó presaun ba Ad. Baucau All Star F.C.
Tama ba minutu 23, Ad. Baucau All Star F.C aumenta tan golu ida liu husi jogador Celio Mesquita hodi halo score sai ba 2-0.
Sorte di’ak ba Mauputar F.C iha minutu 32, liu husi jogador Joice Liunokas kontribui golu ida hodi muda score sai ba 2-1.
Iha jogu ne’e ekipa rua mantein hatudu disiplina jogu no atu termina jogu segunda parte, tama ba iha minutu 36 Mauputar F.C aumenta tan golu ida ba Ad. Bacau All Star F.C liu husi jogadór Deston Betty hodi muda kuadru score sai ba 2-2 to’o termina jogu segunda parte.
Jornalista : David Gonçalves/Domingos Bere
Written by: RafaFM
Ad. Baucau All Star F.C Empata ho Mauputar F.C 2-2
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt