play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Academica F.C Mantein iha Zona Mean Hafoin Derrota ho Lica Lica Lemorai ho Score 3-2

todayJune 4, 2026 74

Background
share close

Imajen/Liga Timorense

Díli, 04 Juñu 2026 (Rafa.tl)- Jogu kontinuasaun segunda divizaun Liga Timorense époka 2026, Academica F.C mantein iha zona mean grupu B hafoin derrota ho nia adversáriu Lica Lica Lemorai ho score 3-2.

Iha jogu ne’ebé hala’o iha Estádiu Munisipál Díli, Kuarta (03/06/2026), ekipa rua jogu ho kalma, maibé ekipa Academika F.C ne’ebé antes ne’e lakon ona dala rua, koko sai husi presaun hodi buka atu konkista vitória iha jogu datoluk nian kontra Lica Lica Lemorai.

Academica F.C marka uluk golu ida iha minutu haat liu husi jogadór Norberto Ximenes hodi muda score ba 1-0, no ho golu ne´e halo Academica F.C kontinua hasa’e nia ritmu jogu hodi halo presaun ba ekipaaAdversáriu.

Ekipa Lica Lica Lemorai hetan mós oportunidade iha grande área adversáriu nian, maibé  Guarda rede sei bele antisipa.

Lica Lica Lemorai kontinua halo esforsu no tama ba minutu 35, jogadór Jonas Savio konsege marka golu ida ba nia ekipa hodi halo impata no muda score ba 1-1 no rezultadu ne’e mantein to’o jogu primeira parte termina.

Tamba ba segunda parte, ekipa Lica Lica Lemorai kontinua halo esforsu no hadi’a liña sira iha jogu hodi lansa atake ba adversáriu.  Tama ba minutu 74, Lica Lica Lemorai liu husi jogadór David Korea marka tan golu ida hodi muda score ba 2-1.

Lica Lica Lemorai kontinua domina jogu iha liña klaran no domina jogu hodi lansa kontra atake, nune’e  iha mintu 80 jogadór Tonito Belo marka tan golu ida ba nia ekipa hodi muda score ba 3-1.

Hafoin golu ne’e ekipa Academika F.C hahú halo tranzisaun ba jogu ho substituisaun sira ne’ebé iha atu bele marka golu ba adversáriu, maibé Lica Lica Lemorai mantein ho defeza ida solidu no hodi asegura guarda rede husi bola amisa sira.

Academica F.C kontinua halo esforsu no tama ba tempu estra segunda parte iha minutu 90+5 konsege marka golu ida liu husi jogadór Sony Aplungi hodi hamihis score ba 3-2.

Ho derrota ne’e obriga Academica F.C kontinua iha zona mean liña degradasaun nian ho pontu zero.

Jornalista: Marito da Costa/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!