Abertura Tasa Rotativa Avó Nana, PNTL F.C Halakon F.C Ermera City 4 -1

Jogu abertura Tasa Rotativa Avó Nana 2026, PNTL F.C halakon F.C Ermera City ho score 4-1, Kinta 27 Agostu 2026.

Díli, 27 Agostu 2026 (RAFA)– Iha jogu abertura  Tasa Rotativa Avó Nana 2026,  ekipa  PNTL F.C halakon  ekipa F.C Ermera City ho score 4-1.

Jogu ne’ebé hala’o iha Estádiu Munisipál Díli, Kinta-kalan,  ekipa rua tun ho ritmu jogu nakonu ambisaun  no tátika jogu hodi fó ameasa ba malu liu-husi  presaun.

Tama ba minutu 22, PNTL F.C, hetan uluk oportunidade  lidera kedas golu ida, ba nia adversáriu F.C Ermera City  liuhosi jogadór númeru kamizola 5 Palomito, hodi hatuur score sai ba 1- 0.

Ekipa rua koko muda estratéjia jogu liuhosi fó presaun ba malu. Maibé, ekipa F.C Ermera City tenta atu halo atake no fó ameasa ba adversáriu F.C PNTL, maibé la konsege produs golu tanba defeza husi PNTL F.C nian solidu tebes hodi la fó foportunidade.  Nune’e termina jogu primeira parte  matein ho score 1-0.

Tama ba segundu parte ekipa F.C Ermera City aproveita tempu  hodi halo lansa kontra  no atake, ne’ebé fó rezultadu hodi muda kuadru score sai ba 1-1 , liuhosi jogadór númeru kamizola 7, Alexandre Martins iha minutu 57 .

Ho lansa gulu ne’e jogu kontinua manas. Ekipa adversáriu PNTL F.C  la lakon vontade jogu. Nune’e, liuhosi kruza bola ho di’ak  konsege produs golu ida ba rede F.C Ermera City, liu-husi liu jogadór númeru` kamizola 9, Olagar Xavier iha minutu  80, hodi muda dudu  score sai ba  2 – 1.

Jogu kontinua la’o ho tensi a’as, ekipa PNTL F.C  halo bola barullu iha  liña grandeal F.C Ermera City nian, no  tama ba minutu 85, jogadór númeru kamizola 8, Alexander  konsege aumenta tan golu, ida  hodi muda score ba 3 -1.

F.C Ermera City tenta fó presaun atu lidera golu, maibé oportunidade hirak ne’e  la konsege no iha minutu ikus atu termina jogu segunda parte,  jogadór PNTL F.C, aumenta tan golu ida  husi jogador númeru kamizola 7, Luis Figo, iha minutu 87 ,  hodi muda kuadru  score 4-1 no mantein to’o termina jogu segunda parte remata.

Tasa Rotativa Avó Nana 2026 , partisipa husi ekipa futébol hamutuk 25  no oráriu tentativa  jogu ne’e sei remata iha loron 17 fulan-Setembru, tinan ne’e.

Jornalista: David Gonçalves