Ouvir RAFA Ritmo, Voz e Coração de Timor
Díli, 20 Novembru 2026 (RAFA) – Komisaun Atleta Timor-Leste, Sesta-ne’e, organiza Forum Nasionál Timor-Leste 2026 hodi akumula atleta no antigu atleta sira husi modalidade atletismu, Taekwondo, Karate-do, Fhacuptil FSTL, Hockey, Modern Penthatlon, Tenis do Kampu, Cricket, FVTL, Archery, Hande boll, Shorinji Kempo, Natasaun no Sepak Takraw.
Atividade Forum Nasionál ne’e ho objetivu atu kapasita di’ak liután atleta no antigu atleta sira nia koñesimentu liu-liu kona-bá regra importante sira
Prezidente Komisaun Atleta Timor-Leste, Mariana Dias Ximenes hatete atleta la’ós makina, atleta hanesan umanu ne’ebe presiza fó protesaun saúde mental, fiziku, no mós seguransa bem-estar ba atleta sira-nian, la’ós deit determina ba ekipamentu oinsá atu treinu. Maibe, bem-estar atu atleta sira moris iha ambiente ne’ebé seguru no libre husi forma violensia ka abuzu tanba atleta ida-idak gasta sira nia tempu ba treinu no oinsá fó gloria ba rai doben Timor -Leste.
“Ita presiza garante katak hakat sai husi atleta la’ós signifika lakon sira nia futuru, ita presiza fó oportunidade ba edukasaun, treinu, kapasitasaun profisionál no apoiu ba tranzisaun kareira sira nian,” tenik Prezidente Komisaun Atleta ne’e iha Sentru Konvensaun Díli.
Iha fatin hanesan Prezidente Konfederasaun Desporto Timor-Leste (CDTL) Afrânio Xavier Amarál lori CDTL hato’o apresiasaun ba prezidente komisaun atleta Timor-Leste ne’ebé ho inisiativa realiza aktividade forum ida ne’e oinsa atu lori atletas hakruk ba regras importante ne’ebé aplika iha modalidade desportivu ida-idak.
“Hanesan mahon ba desportu hot-hotu, ami kongratula ba atividade ida ne’e. Tanba, atividades ida ne’e mak sei lori ita hotu ba dezenvolve desporto liu-liu ita koalia kona ba papel atletas nian direitu iha modalidade ida-idak nian,” subliña Afrânio Xavier.
Reprezentante Ministru Juventude Desporto Arte no Kultura liu-husi Dirétor Jerál, David Tomas de Deus apela ba partisipante sira ne’ebe marka prezensa iha atividade Forum ida ne’e atu koalia ho nakloke ho situasaun saida mak enfrenta iha treinamentu.
“Agora ita boot sira kontinua hare fali ita ninia lei baze desportu” afirma David Tomas
Jornalista: David Gonçalves
Written by: RafaFM
Atleta Timor-Leste Realiza Forum Nasionál Mellora Koñesimentu Atleta no Antigu Atleta sira
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt