Noticias

Prínsipe Mónaku no Líder Husi País Oin-Oin Sei Vizita Timor-Leste

todayNovember 20, 2026 18

Background
share close

Díli, 20 Novembru 2026 (RAFA)- Primeiru-Ministru, Kay Rala Xanana Gusmão informa, Timor-Leste sei simu vizita husi Prínsipe Mónaku no delegasaun husi Papua-Nova Guiné, Fiji no Vanuatu, iha loron 28 fulan-Novembru 2026.

Xefe Governu informa mós katak Prezidente Filipina, Ferdinand Marcos Jr., mós hetan konvite atu vizita Timor-Leste. Maski nune’e, data vizita seidauk konfirma tanba sei iha komunikasaun diplomátika ho Embaixada Filipina.

“Ne’ebé Prezidente dala ruma dehan tiha ona ba imi, mais iha loron 24 fulan-ne´e, Prínsipe Monoco atu mai. Ne’ebé ha’u dehan ona ba Prezidente loron 24 ne´e ha’u ba loke debate Orsamentu Jerál Estadu (OJE) espesialidade iha Parlamentu. Ita haree to’ok, saida mak sei akontese. Iha Parlamentu hatene katak, diskute, diskute, diskute. Ami simu proposta barak, muda ne’e, muda ne’e, muda ne’e, ha’u ohin ko’alia uitoan ho Finansas, ami haree tiha ona, ami sei ko’alia ho Prezidente Parlamentu. Hanesan proposta balu, sira la simu, ne’ebé ami sei ko’alia lai iha  Segunda, 23 agora, ami sei ko’alia ho Prezidente Parlamentu,” hatete PM Xanana ba jornalista sira hafoin enkontru ho Prezidente Repúblika, iha Palásiu Prezidensiál, Sesta-ne’e.

Primeiru-Ministru hatete katak Governu simu ona proposta no alterasaun oioin husi deputadu sira, no kontinua halo análize hamutuk ho Ministériu Finansas. No proposta balu seidauk hetan konkordánsia, tanba ne’e Governu sei kontinua ko’alia ho Prezidente Parlamentu Nasionál iha Segunda-feira, loron 23 Novembru, atu buka entendimentu kona-ba matéria sira ne’ebé seidauk rezolve.

Xefe Governu husu atu instituisaun relevante sira prepara an atu simu vizita internasionál sira ne’ebé sei hala’o iha loron sira oin mai.

Xanana Gusmão mós refere ba viajen diplomátika Prezidente Repúblika ba Europa no Emiradu Árabe Hamutuk (EAU), ne’ebé iha ona informasaun kona-ba relasaun no kooperasaun internasionál, inklui prosesu Timor-Leste iha ASEAN.

Jornalista:  Cristina Ximenes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!