Noticias

Tribunál Suspende Kazu Komérsiu Ilísitu Ne’ebé Envolve Líder Balu Nia Oan no Membru F-FDTL Ida

todayNovember 19, 2026 84

Background
share close

Díli, 19 Novembru 2026 ( RAFA)–   Tribunál Judisiál Primeira Instánsia Díli (TJPID), suspende kazu Komérsiu Ilísitiu kompostu  husi Arguidu na’in-lima (5) ne’ebé envolve líder balu nia oan no  membru ativu  FALINTIL- Forsa defeza Timor-Leste (F-FDTL) hafoin  Ministériu Públiku aprezenta bá julgamentu primeiru Interogátoriu ho krime  Kontra bandu.

Iha kinta-ne’e Ministériu Públiku Reprezenta husi Prokuradór Rogerio Viegas Vicente promove  arguidu sira bá tribunál ho Krime kontra bandu, tanba alegadamente hatama Sigru Ilegál ho Marka Marlboro hamutuk karton 149.

Iha Audénsia Julgamentu, Tribunál liu-husi Juíza  Luisinha da Silva Cardoso Machado halo indentifikasaun bá arguidu sira no mós komfirma, ida-idak, balu hili direitu ko’alia no balu  hili Diretu nonok.

Hafoin  rona tiha arguidu sira,  Tribunál liu-husi Juiz Luisinha da Silva Cardoso Machado deside suspende no kontinua julgamentu ba Sesta 20 Novembru hodi tama ba alegasaun.

Entretantu arguidu na’in-lima hetan asisténsia legál husi Advogadu Privadu Arlindo Dias Sanches ho Eusébio Xavier

Fo hanoin fali katak,  iha Tersa-ne’e,   Polísia Nasionál Timor-Leste (PNTL), liu-husi Diresaun Servisu Investigasaun Kriminál (DSIK) no ekipa konjunta halo apreensaun no detein arguidu sira ho evidénsia sigaru ilegál ho Marka Marlboro hamutuk karton 149 ne’ebé ekipa konjunta halo apreensaun iha área Kristo Rei, Díli.

Sasán hirak ne’e Autoridade seguransa prende tanba la priense rekizitu rejime kontrolu tabaku Dekretu-Lei 14/2016. Estimasaun folin totál produtu US$48.574, no kada karton kona US$326. Taxa ne’ebé Estadu lakon US$63.732,76.

Jornalista : Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!