Noticias

AMN La Autoriza Ona Ró Sira Estasiona iha Área Portu Díli To’o Lesidera

todayNovember 19, 2026 16

Background
share close

Díli, 19 Novembru 2026 (RAFA)- Komandante Komponente Navál FALINTIL-Forsa Defesa Timor-Leste (F-FDTL) no Diretór Autoridade Marítima Nasionál (AMN), Komodoro Higino das Neves, orienta ona hodi la autoriza ró komersiu no ró turista sira atu estasiona (atraka) iha tasi ibun área Portu Dili, fatin konstrusaun Sentru Konvensaun Internasionál (ICC, sigla Ingles) to’o iha edifisu Unidade Polísia Marítima (UPM) Lesidera, tanba área ne’e sei utiliza ba konstrusaun infraestrutura foun prepara ba prezidensia ASEAN 2029.

“Tanba desizaun ida ne’e mosu tanba ró barak ninia nain ita lahatene ita foti tiha para nia nain ba ita hatene hodi rejista nia nain mak ida ne’ebe,  ro iha ne’e halo saida, sira ne’ebé ró turismu foin dadauk sira kontaktu ha’u hatete fatin iha Tibar nian mak tempu ne’ebé atu tula pasajeiru turista maka foin ró mai. Ita agora tama ona ASEAN tenke aruma ita nia uma uluk para sai prezidénsia ASEAN iha 2029,” Komodoro Higino das Neves hateten ba jornalista  iha Kuartel Jenerál F-FDTL, Kinta-ne´e.

Komodoro Higino das Neves subliña Timor-Leste agora tama ona ASEAN, nune’e presiza prepara no organiza infraestrutura nasionál, inklui seguransa marítima, atu asegura kondisaun di’ak ba atividade internasionál no movimentu ró sira.

Nia klarifika ró pasajeiru hanesan Nakroman no Ramelau sei kontinua atraka iha sira-nia fatin iha Portu Dili, no la tama iha área ne’ebé autoridade sira foti. Maibé fatin husi Sentru Konvensoens Internasional tesik mai Palásiu Governu oin to’o mai iha Lecidere nian la autoriza ró atu para iha ne’eba.

Komandante Komponente Navál  F-FDTL hatete mudansa utilizasaun área Portu Dili ne’e liga ho konstrusaun Sentru Konvensaun Internasionál, ne’ebé sai parte hosi preparasaun infraestrutura Timor-Leste atu simu atividade internasionál, inklui Prezidénsia ASEAN iha tinan 2029.

Antes ne’e, Governu fó ona prazu ba konstrusaun Sentru Konvensaun Internasionál ne’e sei remata iha loron 20 fulan-Maiu 2028, atu prepara Timor-Leste ba eventu internasionál sira iha futuru.

Jornalista: João Carlos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!