Noticias

Fundadór Impact Investment Exchange Kompromete Apoiu Timor-Leste iha Prepasasaun Ba Prezidensia ASEAN 2029

todayNovember 19, 2026 33

Background
share close

Díli, 19 Novembru 2026 (RAFA)- CEO no fundadór Impact Investment Exchange, Durreen Shahnaz kompremete apoiu dezenvolvimentu Timor-Leste iha prepasasaun ba prezidénsia ASEAN 2029.

Kompromisu ne´e, CEO Durreen Shahnaz hato’o hafoin hasoru malu ho Prezidente Repúblika José Ramos-Horta, iha Palasiu Prezidensiál, Kuarta-ne´e.

Durante sorumutuk ne´e Durreen Shahnaz hato´o apresiasaun ba vizaun Prezidente Repúblika nian kona-bá futuru Timor-Leste, liuliu esforsu atu harii nasaun ne’ebé justu, ekitativu no fó oportunidade hanesan ba ema hotu.

“Ami husi Impact Investment Exchange sente kontente tebes tanba bele kontribui no servisu hamutuk hodi prepara Timor-Leste atu sai prezidente ASEAN ne’ebé susesu iha tinan tolu nia laran,” hatete CEO Durreen Shahnaz ba jornalista sira.

Fundadór ne´e mós subliña katak, Impact Investment Exchange prontu atu servisu hamutuk ho Prezidente no povu Timor-Leste atu apoia prosesu preparasaun ne’e.

Durreen Shahnaz agradese ba Prezidente Horta tanba nia disponibilidade atu fahe matenek, esperiénsia no vizaun kona-ba futuru nasaun.

Jornalista: Cristina Ximenes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!