Ouvir RAFA Ritmo, Voz e Coração de Timor
Autoridade Aduaneira ka Alfândega halo konferénsia imprensa hodi dezmente informasuan ne'ebé sirkula iha mídia sosiál katak Coreios Díli halo kobransa ilegál.
Díli, 18 Novembru 2026 (RAFA)- Diretór Nasionál Operasaun Autoridade Aduaneira ka Alfândega, Ivo Manuel Gomes, konfirma no klarifika ba públiku katak la halo kobransa ilegál iha Correios Díli.
Liuhusi konferénsia imprensa iha salaun Autoridade Aduaneira iha Ministériu Finansas, Díli, Kuarta-ne´e, Ivo Manuel Gomes, dezmente informasaun sira ne´ebé sidadaun sira espalla iha media sosial kona-bá preokupasaun no dúvida iha prosesu simu, kontrolu no entrega sasán ne’ebé haruka mai husi rai-li’ur.
Ivo Manuel Gomes esplika katak Autoridade Aduaneira hala’o nia knaar iha Servisu Postál bazeia ba Dekretu-Lei Númeru 14/2017, loron 5 Abríl, kona-bá Kódigu Aduaneiru, ne’ebé fó kompeténsia ba Autoridade Aduaneira atu kontrola sasán hotu-hotu ne’ebé tama ba territóriu Timor-Leste.
“Hakarak klarifika katak, Autoridade Aduaneira la halo kobransa ilegál, maibe Autoridade Aduaneira aplika regra bazeia ba Lei Tributaria Nú. 08/2008 30 de Julho. Anexo II Imposto Seletivo de Consumo, artigu 10, Anexu III Imposto Sobre Venda 2.5%, artigu 15, Anexu IV Direitos Adauneiros e de Importação 2.5%, artigo 19 Tuir Kódigu Aduaneiru – Dekretu-Lei No. 14/2017, 5 Abril, no tuir prinsipiu tributasaun ne’ebé hatuur iha Lei Tributária No. 8/2008, 30 Julho, ema hotu ne’ebé lori sasån tama mai territóriu nasionál iha obrigasaun atu selu direitu aduaneiru no taxa tuir lei haruka,” Diretor Nasionál Operasaun Autoridade Aduaneira, Ivo Manuel Gomes esplika.
Nia hateten tuir Lei Tributária ne’e, ema hotu ne’ebé lori ka haruka sasán tama ba territóriu nasionál iha obrigasaun atu selu impostu no direitu aduaneiru, tuir natureza no klasifikasaun sasán nian.
Diretor Nasionál Operasaun Autoridade Aduaneira ne’e mós hatutan pagamentu ne’ebé aplika ba sasán na’in sira kalkula tuir lei, rejista iha sistema ofisiál Autoridade Aduaneira nian, no instituisaun ne’e emite resibu ba pagamentu hotu ne’ebé hala’o.
Nia subliña katak pagamentu ne’ebé sidadaun ida halo iha nasaun orijen bainhira haruka sasán mai Timor-Leste, la signifika katak obrigasaun aduaneira iha Timor-Leste automaticamente lakon, tanba impostu no direitu importasaun sei aplika tuir lei nasionál.
Autoridade Aduaneira mós husu ba sidadaun sira ne’ebé hein atu simu ka foti encomenda iha Correios atu kompriende no hatene didi’ak regra no prosedimentu aduaneiru ne’ebé aplika ba sasán haruka mai husi rai-li’ur.
Jornalista: João Carlos
Written by: RafaFM
Autoridade Aduaneira Konfirma La Halo Kobransa Ilegál iha Correios Díli
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt