Noticias

CNRT Apresia Autoridade Seguransa Halo Detensaun Ba Suspeitu Sira Envolve Komersiu Ilísitu

todayNovember 18, 2026 19

Background
share close

Díli, 18 Novembru 2026 (RAFA)- Membru Parlamentu Nasionál husi Bankada CNRT, Natalino dos Santos, hato’o apresiasaun ba autoridade seguransa sira ne’ebé halo apreensaun ba sigaru ilegál ho marka Marlboro hamtuk karton 149  inklui deteins suspeitu sira ne´ebé involve líder balu nia oan hamutuk mós ho membru ativu FALINTIL-Forsa Defeza Timor-Leste (F-FDTL) ida.

Reprezentante povu ne’e fó apresiasaun ba autoridade seguransa no mós sistema  seguransa no inteléjensia ne’ebé la’o di’ak  mak autoridade seguransa sira bele deteta atividade  ilísitu sira iha fatin hotu-hotu.

“Iha rai ida-ne’e sese de’it tenke kumpri lei, nia atu boot nia oan, atu kiik fali, hotu-hotu iha lei nia okos, sé agora kontra bandu, kontra lei ne’e krimé, polisia kaer ona lori ba Ministériu Públiku no lori ba tribunál, só tribunál de’it mak bele deside hatete ema ne’e sala ka la sala,” hatete Deputadu Natalino dos Santos.

Reprezentante povu ne´e dehan kona-bá membru F-FDTL ne’ebé mak involve hotu iha komérsiu ilísitu ida-ne’e  tenke fó sansaun disiplinár.

“Hanesan sidadaun nia halo krimé nia iha responsabilidade ida ba nia aktu ne’e, nia halo kazu rua ida nia hanesan intituisaun forsa ida loloos ne’e nia knaar atu fó defeza, maibé nia ba komete kontra bandu no nia sei fó sansaun disiplinár husi ninian intituisaun,” tenik nia.

Deputadu ne´e afirma kona-bá kazu sira ne’e tribunál mak iha kompeténsia liu  atu julga no foti desizaun tuir lei haruka.

Jornalista: Zita Menezes

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!