Noticias

Prezidente Repúblika José Ramos-Horta Simu Karta Kredensial Husi Embaixadór Naun-Rezidente 13

todayNovember 18, 2026 27

Background
share close

Díli, 18 Novembru 2026 (RAFA)-Prezidente Repúblika, José Ramos-Horta simu karta kredensiál husi embaixadór naun-rezidente 13, ne’ebé akreditadu no mós reprezentante diplomátiku husi nasaun sira ne’ebé foin hahú akreditasaun mai Timor-Leste.

Diretór Nasionál ba Asuntu Eropa no Áfrika, Jesuino de Oliveira Alves hatete, embaixadór sira ne’e mai husi nasaun hanesan Vietname, Singapura, Indonézia, Austrália, Sri Lanka no Nikarágua.

Nia esplika, maske Timor-Leste iha ona relasaun diplomátika ho nasaun balu, maibé akreditasaun embaixadór baibain ida-ne’e sai oportunidade atu hametin relasaun no buka área kooperasaun foun.

“Iha reuniaun embaxadór 12 ne’e hotu ohin hasoru Prezidente Repúblika, iha reuniaun ne’e sira hotu hatudu sira nia vontade, balu ne’ebé iha ona relasaun diplomátika, kooperasaun antes sira hakarak atu reforsa liu tan, explora tan área foun. Sira hirak ne’ebé foun foin mak estabelese relasaun diplomátika ho Timor signifika sira akredita mai Timor, sira mós hanoin atu explora área kooperasaun ho Timor-Leste,” hatete Diretór Nasionál ba Asuntu Eropa no Áfrika, Jesuino de Oliveira Alves ba jornalista sira iha Palásiu Prezidensiál, Kuarta-ne’e.

Diretór Nasionál mós destaka, Nikarágua nu’udar nasaun ne’ebé iha relasaun istórika ho Timor-Leste, liu-liu durante luta ba restaurasaun independénsia. Maske nasaun rua estabelese relasaun diplomátika iha 2007, foin agora mak Nikarágua akredita ninia embaixadór ba Timor-Leste.

Nune’e hein katak, akreditasaun diplomátika ne’e sei loke dalan ba kooperasaun foun iha área oi-oin no hametin relasaun entre Timor-Leste ho nasaun sira ne’e.

Jornalista: Cristina Ximenes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!