Ouvir RAFA Ritmo, Voz e Coração de Timor
Abu Dhabi, 17 Novembru 2026 (RAFA)- Prezidente Repúblika, José Ramos-Horta, anunsia katak Timor-Leste sei sai anfitriaun ba inisiativa internasionál boot tolu iha tinan 2027 inklui simeira kona-bá Fraternidade Umana, ho objetivu promove Timor-Leste iha mundu tomak.
Ramos-Horta esplika, inisiativa dahuluk mak enkontru ho membru Prémiu Nobel internasionál, ne’ebé planeia lori membru 50 mai Timor-Leste. Inisiativa daruak mak torneiu Sadres Mundiál, ho partisipante besik ema 3.000 durante semana rua, no orsamentu estimadu millaun US$24. Organizadór sira mós prepara atu lori ró kruzeiru boot rua mai Timor-Leste tanba kapasidade alojamentu iha otél limitadu.
Nune’e, inisiativa datoluk mak Simeira Fraternidade Umanu, ne’ebé planeia hala’o iha Dili, ho partisipasaun lideransa relijioza internasionál, inklui Papa Leão no Grande Imame husi Cairo, tuir proposta ne’ebé anunsia.
“Tinan foun mai ne’e iha 2027, ha’u iha programa tolu boot tebe-tebes, ida esforsu hahú tiha ona, se prémiu nobel iha área siénsia hanesan fulan-Agostu ba ne’e halo membru 25 prémiu nobel internasionál sira mai Timor, 2027 ha’u hakarak dada na’in-50. Alende ida-ne’e atu halo torneiu mundiál iha Timor-Leste kona-bá jogu sadres ne’e jogu kakutak iha mundu importante tebe-tebes. Amigu boot ida husi li’ur, nia hakarak loke akademia sadres iha Timor-Leste,” hatete Prezidente Repúblika, José Ramos-Horta ba jornalista sira iha Abu Dhabi.
Aleinde, inisiativa hirak-ne’e sei akompaña ho promosaun turizmu, Maratona no Festival Filme, hodi hametin imajen Timor-Leste iha mundu internasionál.
Prezidente Ramos Horta espera katak, eventu hirak ne’e sei lori benefísiu ba ekonomia, turizmu no prestíjiu nasaun nian.
Jornalista: Cristina Ximenes
Written by: RafaFM
Agostu 2027 Timor-Leste Sei Realiza Eventu Internasionál Tolu Inklui Simeira Kona-bá Fraternidade Umana
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt