Noticias

Governu Iha Dever Rezolve Problema Osan Ransu ba Funsionariu Bombeiru Na’in-408

todayNovember 17, 2026 17

Background
share close

Díli 17 Novembru 2026 (RAFA) – Membru Parlamentu Nasionál husi Bankada CNRT, Natalino dos Santos, hatete Governu liuliu Sekretáriu Estadu Protesaun Sivil (SEPS), iha dever bele buka solusaun ba problema Funsionáriu Bombeiru na´in-408 ne’ebé durante fulan-hitu seidauk simu osan ransu ka osan alimentár

“Governu tenke iha devér moral atu haree ida-ne’e tanbasá, agora problema ne’e mak kabe ba jestaun liuliu Sekretáriu Estadu Protesaun Sivíl ne’ebé haree kona-bá asuntu ne’e atu responde,” dehan Deputadu Natalino dos Santos ba jornalista sira iha PN, Tersa-ne’e.

Sorin seluk, membru Bankada FRETILIN Antoninho Bianco haktuir situasaun ida-ne’e akontese tanba mandatu Governu ida-ne’e hatama funsiónariu kazuál barak, ida-ne’e mak dalabarak hamosu problema sira relasiona ho saláriu sira.

“Iha nivél nasionál to’o kraik ne’e makina administrasau ne’e makina politikú hotu kedan, tuir loloos makina administrasaun politiká ida-ne’e mak sai sai problema no konsekuénsia,” hatete Deputadu Antoninho Bianco.

Iha loron 16 Novembru, tinan-ne’e,  funsionariu Bombeiru hamutuk na’in-408  halo konferénsia imprensa hodi ezije sira nia diretu kona-bá osan ransu ka osan han nian ne’ebé tarde durante fulan-hitu nia laran, dezde fulan-Mairu 2026 to’o agora.

Jornalista: Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!