Noticias

SEPS Garante Direitu Ransu Funsionáriu Bombeiru Sira Nian La Lakon

todayNovember 16, 2026 34

Background
share close

Díli, 16 Novembru 2026 (RAFA)-Sekretáriu Estadu Protesaun Sivíl (SEPS) Domingos Mariano Reis, garante katak direitu alimentasaun ka direitu ransu (osan han) ba funsionáriu Bombeiru sira la lakon tuir despaixu Funsaun Públiku ba servisu turnu sira.

“Primeiru ita hotu hatene katak funsionáriu Bombeiru iha direitu ida bazeia ba despaixu Funsaun Públiku kona-bá servisu turnu, segundu servisu turnu ne’e servisu rotasaun entre pesoal sira atu asegura sustentabilidade dezenvolvimentu Estadu nian, no mós ba nesesidade Estadu no povu nian. Terseiru, bainhira sira ezerse sira nia dever sira ne’e, sira mós iha direitu ida ba servisu turnu oras ida hetan hira no loron ida hetan hira, bainhira sira servisu envolve iha ekipa sira-nia direitu sira iha direitu atu simu US$8.00 ba ransu”, hatete SEPS, Domingos Mariano Reis ba jornalista sira iha nia knaar fatin iha Díli, Segunda-ne’e.

Sekretáriu Estadu Protesaun Sivíl haktuir antes loron 01 fulan-Maiu, tinan-ne’e, funsionáriu Bombeiru sira simu hela ransu no konsumu hela.

Funsionáriu Bombeiru sira sbumete karta hodi husu atu reazusta sira nia orsamentu alimentasaun integra ho salariu, entaun ida-ne’e la fasil ida juridikamente tenke liuhusi prosesu oinsá ne’e juridiku sira halo análiza kona-ba situasaun ne’e, bele integra ka lae. Maibé, SEPS, Domingos Mariano Reis, hateten  agora dadaun prosesu la’o hela juridiku sira halo hela no  esforsu hela komunikasaun entre Ministeriu Interiór, Sekretáriu Estadu Protesaun Sivíl hamutuk ho Ministériu Finansas atu halo pagamentu ba sira nia direitu ida-ne’e, direitu ida-ne’e la lakon ida.

Sekretáriu Estadu afirma sira iha direitu tomak halo kontesta, iha direitu simu saláriu no subsídiu alimentár tuir despaixu. Atu muda integra ho saláriu tenke iha Dekretu-Lei no rezolusaun Governu, la’ós fasil.

“Ne’e la fasil, ne’e la’ós ha’u nia osan mós para ha’u atu muda de’it ba ita boot, laiha ne’e ka ne’e la’ós US$100.00 no la’ós mil dolar komprinede situasaun ida-ne’e mais US$300,000.00 r, ne’e se mak hakarak atu tama kadeia, se ha’u muda urjenti sasán ne’e depois sé mak atu tama, ha’u nu’udar polítika prontu asume responsabilidade ba ida-ne’e”, dehan Sekretáriu Estadu Protesaun Sivíl Domingos Mariano Reis.

Nia kompromete halo ezersísiu tuir kapasidade, tuir jurídiku no Lei ne’ebé vigór. Maibé seidauk fó data serteza bainhira mak selu, jurídiku mak hatene detallu, maibé esforsu nafatin atu halo pagamentu tanba sira nia direitu la lakon.

Jornalista: Juvinal Cabral dos Santos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!