Noticias

Autoridade Seguransa Tenke Halo Kontrolu Másimu Iha Fronteira Hodi Kombate Atividade Scam Call Centre

todayNovember 16, 2026 201

Background
share close

Díli, 16 Novembru 2026 (RAFA)— Vise-Ministru Asuntu Fortalesimentu no Insitusionál, Paulo Rededios, husu bá Autoridade Seguransa sira atu halo kontrollu másimu iha área fronteira hodi kombate atividade ilísitu, liu-liu jogu scam call centre tama mai Timor-Leste.

Vise-Ministru Paulo Redeios hatete bá RAFA iha Sasalun Sentru Formasaun Jurídiku, Díli, Segunda-ne’e,  hatete Primeiru-Ministru mós ko’alia bebeik ona, Governu la suporta atividade Scam Call Centre kontinua iha Timor-Leste.

“Primeiru Ministru  bolu ha’u, ha’u partisipa,  ha’u fó ha’u nia kometáriu, ha’u fó ha’u nia apoiu bá organizasaun polisiál nian atu halo modellu foun ita tenke kontrolla maka’as iha fronteira,” hatete Vise-Ministru Paulo Remedios.

Membru Governu ne´e  hatutan, kuaker sei de’it tama iha teritóriu iha Timor, tenke halo invetigasaun bá ema ne’ebé  suporta sidadaun sira ne’e liu-husi área gronteir.

Governu iha forma ona ekipa atu atu kontrollu bá atividade Scam Call Centre  ne’ebé  akontese iha teritóriu Timor.

Kona-bá aujénsia servisu, Ministru Paulo afirma katak, iha fulan-Outubru nia aujénsia servisu  semana ida, hodi halo tratamentu iha rai-li’ur, maibé husu autorizasaun husi  Primeiru-Ministru Kay Rala Xanana Gusmão.

“Iha fulan Outubru ha’u bá halo tratamentu iha ospitál de’it, ne’e mak ha’u aujénsia, bá halo tratamentu iha ospitál  rai-li’ur, bá privadu la’ós Governu mak sosa, ha’u uza  privadu, no husu lisensa bá Primeiru-Ministru hodi bá halo tratamentu” nia hatete.

Nia afirma,  iha tinan 2026 ne’e, foin viajen ba estranjeiru dala ida iha Jakarta, lori atividade Governu nian  durante loron lima.

Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!