Ouvir RAFA Ritmo, Voz e Coração de Timor
Polísia kaptura arguidu na'in-haat kontinua envolve iha atividade ilísitu scam call centre iha Otél Golgota, Kuarta-kalan 30 Setembru 2026.
Díli 10 Novembru 2026 (RAFA)— Ministru Interiór, Francisco da Costa Guterres Tersa-ne’e, informa ekipa konjunta ba kombate atividade ilísitu scam call centre halo hela servisu hodi aplika polítika zero toleránsia ba jogu ilísitu sira.
Ministru Francisco da Costa Guterres ba jornalista sira iha Parlamentu Nasionál, konfirma katak Timor-Leste servisu hamutuk ho rede ASEAN no nasaun balun tan hodi kombate kestaun online scamming ne’ebé la’ós iha Timor de’it maibé iha ASEAN tomak.
“Ekipa konjunta halo hela servisu. Ita labele ko’alia barak, kona-bá kestaun online ne’e ita kontinua nafatin halo operasaun tanba ita kompromete ona zero toleránsia ba iha kestaun online scamming,” Francisco da Costa Guterres hateten.
Nia informa tan, foin lalais sira-nia parte ba tuir enkontru iha Kambodia ne’ebé mak Timor-Leste servisu hamutuk ho ASEAN ho nasaun balun tan atu hasae tan kbiit investigasaun seguransa hodi kombate scam call centre.
Enkontru iha Kambodia ne’e, Timor-Leste asina ona deklarasaun hamutuk nasaun hotu atu kombate scam call centre. Tanba ne’e, kontinua alerta ba populasaun sira atu kuidadu ho promesa falsu sira no atividade ilegál ne´ebé mai ho oportunidade bosok sira.
Jornalista: Juvinal Cabral dos Santos
Written by: RafaFM
Timor-Leste ho Rede ASEAN Kontinua Halo Esforsu Kombate Scam Call Centre
todayNovember 20, 2026 10 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt