Ouvir RAFA Ritmo, Voz e Coração de Timor
Díli, 09 Novembru 2026 (RAFA) -Kandidatu Polísia Nasionál Timor-Leste (PNTL) kontesta Komisaun Rekrutamentu PNTL 2026 ne’ebé alegadamente komete irregularidade no la kumpri deklarasaun kona-bá anulasaun desizaun rezolusaun Governu númeru 15/26-Marsu teste foun fila-fali.
Portavós Kandidatu PNTL, Tito Mau-Kode esplika, tuir rezolusaun ne’e, anulasaun ba desizaun tuir faze tolu, primeiru faze kulturál, tuir fali faze psikolojia no faze teste médiku. Maibé, kandidatu sira-ne’e konsidera komisaun inkomprimentu no la kumpri norma legál estabelese husi diploma ministerial.
Tuir sira, Lei no rezolusaun Governu boot liu tanba aprova husi Konsellu Ministru, enkuantu diploma ministerial aprova husi Ministru Interiór de’it, entaun implementasaun regra tenke kumpri desizaun Konsellu Ministru.
Tito Mau-Kode afirma uluk anunsia teste hotu arkiva halo teste foun fila-fali tuir deklarasaun Primeiru-Ministru, maibé ikus la tuir desizaun Konsellu Ministru nian.
“Ami hanesan kandidatu sente la satisfas, ne’e mak ami halo konferénsia imprensa, durante ami akompaña no haree mós komisaun rekrutamentu ignoransia, nunka tau preokupasaun asuntu ne’e ho seriedade bá problema kadete sira-nian”, Tito Mau-Kode hateten liuhusi konferénsia imprensa iha Jardín 05 de Maiu, Kolmera, Díli, Segunda-ne’e.
Portavós informa bainhira komisaun rekrutamentu no Ministru Interiór ignora problema kadete sira nian, sira sei organiza malu hamutuk ho universitáriu sira realiza manifestasaun.
Iha fatin hanesan reprezentante kandidatu ne’ebé passa iha prova kulturál, Clementino Alergia Tilman, preokupa tanba labele kontinua ba prova médiku, tanba elemina sira iha prova psikolojia ne’ebé antes Governu anula ona.
“Ami mós na’in-71, ami mós valor boot hanesan sira ne’ebé mak agora dadauk atu hakat bá iha teste médiku. Antes ne’e, Primeiru-Ministru rasik hateten iha ne’ebá anula, ikus sira foti fali valor ne’ebé mak psikoteste anula ona hodi prejudika fila-fali valor ne’ebé mak foin dadauk ami teste iha Komisaun Funsaun Públika, entaun ida-ne’e ba ami injustu, tanba ami mós valor boot liu fali sira agora dadauk atu ba teste médiku, ne’e ami la satisfaz,” kandidatu PNTL ne’e informa.
Kandidatu ne’e afirma iha munisípiu Ainaro mosu nafatin irregularidade naran apelidu Cortereal no Araújo okupa nafatin iha rekrutamentu, haree katak mai husi uma lisan ida, suku ida iha Manutasi na’in-haat mak liu, maibé sira seluk la passa.
“Ohin loron ami vítima hanesan ne’e, hun loloos mak komisaun rekrutamentu, implementasaun tun-sa’e para halo salva família para bele ba iha ne’ebá. Ami nafatin ezizi ami nia direitu, tanba ami mós valor 70 ba leten hotu, sé sira hakat ba teste médiku, ami agora dadauk halo ona karta ba iha Estudante Universitáriu Timor-Leste (EUTL) ba Universidade sira hodi asaun pasífiku mosu tan dala ida,” Clementino hateten.
Tuir kandidatu sira na’in-71 ho valor 70 ba leten la hetan justisa bainhira sira nia valor psikoteste ne’ebé anula ona foti fali hodi prejudika.
Iha loron 30 fulan- Outubru 2026, Prezidente Júri Rekrutamentu Polísia Nasionál Timor-Leste (PNTL) Komisáriu Asistente Polísia José Soares, anúnsia rezultadu prova kulturál na’in-562 mak pasa kruza ho prova psikolojia na’in-491 mak avansa ba prova médiku.
Rezultadu naran kandidatu sira ne’ebé pasa iha prova rua ne’e taka sai iha Komandu munisípiu no eskuadra sira iha Sabádu 31 fulan-Outubru tinan 2026, no fó loron-12 hodi haree sira nia naran hafoin kontinua ba prova médiku.
Jornalista: Juvinal Cabral dos Santos
Written by: RafaFM
Kandidatu PNTL Kontesta Komisaun Rekrutamentu Inkomprimentu Ba Rezolusaun Governu
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt