Ouvir RAFA Ritmo, Voz e Coração de Timor
ise-Primeiru Ministru no Ministru Koordenadór ba Asuntu Sosiál, Dezenvolvimentu Rural no Abitasaun Komunitária, Mariano Assanami Sabino.
Díli, 09 Novembru 2026 (RAFA)-Vise-Primeiru Ministru no Ministru Koordenadór ba Asuntu Sosiál, Dezenvolvimentu Rural no Abitasaun Komunitária, Mariano Assanami Sabino, afirma hadi’a kualidade ensinu sai prióridade importante ba Timor-Leste, liu-liu iha ámbitu Timor-Leste hanesan membru ASEAN.
Mariano Sabino konfirma katak governu kontinua hametin ensinu tékniku no profisionál liuhusi dezenvolvimentu instituisaun politéknika, inklui Politékniku Turizmu ne’ebé hari’i ona iha Lautém no planu atu dezenvolve politékniku peskas.
“Importante mak ne’e ita presiza re-integrasaun ba ASEAN nian ne’e ita hasa’e kualidade Ensinu nian, liu-liu ne’e prióridade, standar ne’ebé ita tenke halo tuir,” hatete Vise Primeiru Ministru no Ministru Koordenadór ba Asuntu Sosiál, Mariano Assanami Sabino ba jornalista sira bainhira partisipa debate Orsamentu Jerál Estadu (OJE) 2027 iha Parlamentu Nasionál, Segunda-ne’e.
Nia mós informa, governu transforma ona instituisaun ensinu iha Ermera sai Institutu Kafé, ho formasaun iha área agronomia, prosesamentu no protesaun kafé.
Mariano Assanami Sabino adianta mós Timor-Leste halo ona komunikasaun ho Vise-Ministru Edukasaun Indonézia atu prepara akordu kooperasaun, inklui fasilidade visa ba estudante Timoroan sira ne’ebé kontinua estudu iha Indonézia.
Governu hein katak liu husi Orsamentu Jerál Estadu 2027, bele hametin tan dezenvolvimentu Institutu Kafé, ho orientasaun ba oin atu fó prioridade ba estudante sira ne’ebé hili kursu relasióna ho setór kafé.
Jornalista: Cristina Ximenes
Written by: RafaFM
Timor-Leste Prioritiza Kualidade Ensinu no Hametin Formasaun Politékniku
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt