Ouvir RAFA Ritmo, Voz e Coração de Timor
)-Embaixadór naun rezidente Fransa mai Timor-Leste, Fabien Penone ho nia delegasaun hasoru malu ho PM Xanana Gusmão.
Díli, 06 Novembru 2026 (RAFA)-Embaixadór naun rezidente Fransa mai Timor-Leste, Fabien Penone, Sesta-ne’e, hasoru malu ho Primeiru-Ministru Kay Rala Xanana Gusmão, atu hametin relasaun entre Fransa ho Timor-Leste no mós deskute asuntu seguransa nian.
Embaixadór Fabien Penone informa Governu Fransa iha kompromisu hametin parseria, hosi kestaun defeza, seguransa, kultura no kooperasaun universitáriu, inklui, atividade ekonómia, komérsiu no negósiu sira.
“Durante enkontru ida-ne’e ho Primeiru-Ministru, ami trata hela setór oioin ne’ebé ita bele aprofunda kooperasaun ida-ne’e. Klaru katak, kestaun defeza no seguransa, kooperasaun operasional, telefone portu, formasaun. Ami agora iha adidu polisia ida ba Timor Leste. Entaun, ami mós diskute hela ami nia kooperasaun kona-ba asuntu seguransa nian, asuntu polísia nian, no mós protesaun sivíl,” hateten Embaixadór Fabien Penone.
Nia informa iha enkontru ho Xefe Governu ne’e ko’alia mós kooperasaun kulturál, sientífika, nomós kooperasaun sientífika marítima nian iha Timor-Leste.
Jornalista: Zita Menezes
Written by: RafaFM
Timor-Leste ho Fransa sei Hametin Kooperasaun iha Área Seguransa
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt