Noticias

Polísia ho Ministériu Edukasaun Investiga Hela Kazu Ema Sona Profesora Martinha Leu Mali iha Bobonaro

todayNovember 6, 2026 564 1

Background
share close

Díli, 6 Novembru 2026 (RAFA) –Polísia Nasionál Timor-Leste (PNTL0 no Ministériu Edukasaun (ME) liu husi  Inspesaun Jerál ho Inspetór Eskola halo hela investigasaun ba kazu  ema deskoñesidu sona profesora Martinha Leu Mali husi Eskola Bázika Filiál (EBF) Aidabaslala, Suku Hataz, Postu Administrativu Atabae, Munisípiu Bobonaro.

Ba insidente ne’ebé akontese iha Sesta-ne’e, hale’u tuku 03:00 dadeer Otl, Ministra Edukasaun, Dulce de Jesus Soares, hato’o tristeze boot tanba profesóra ida sai vítima hosi asaun violénsia ne’e, liuliu profesóra sira balu mai hosi Munisípiu seluk atu fó apoiu edukasionál ba estudante sira iha área remota.

“Dadaun ne’e parte inspesaun jerál ho inspetór eskola sira halo hela investigasaun ba kazu ne’e,” Ministra Dulce de Jesus Soares hateten hodi resoonde jornalista sira iha Díli.

Ho akontesementu ne’e Ministra Dulce de Jesus Soares,  apela ba komunidade sira atu koopera no fó apoiu ba profesór, atu sira sente katak hala’o sira-nia knaar iha ambiente família ida-nian, tanba profesór sira mós nu’udar komunidade no sidadaun Timor-oan hotu.

Ministra Dulce de Jesus Soares mós husu komunidade atu respeita no proteje nafatin profesór sira iha territóriu tomak, tanba profesór sira iha responsabilidade importante atu eduka labarik no prepara sira atu sai sidadaun ne’ebé di’ak iha futuru.

Profesora Martinha Leu Mali hetan kanek iha kotuk laran no to’o oras ne’e seidauk hatene motivu husi akontesimentu ne’e.

Kazu ne’e  rasik relata ona ba Autoridade Polísia hodi halo investigasaun, identifikasaun ba autór ne’ebé sona manorin ne’e.

Jornalista: Cesarina de Carvalho

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!