Ouvir RAFA Ritmo, Voz e Coração de Timor
Díli, 04 Novembru 2026 (RAFA)-Primeiru-Ministru, Kay Rala Xanana Gusmão informa katak prosesu nomeasaun membru governu tenke respeita akordu no prinsipiu koligasaun governativa, tanba responsabilidade atu propoin kandidatu ba kargu ministru balu pertense ba partidu polítiku ne’ebé iha reprezentasaun iha governu.
Xefe Governu esplika ba jornalista sira iha Palasiu Prezidensiál, Kuarta-ne´e hateten, Ministru Ensinu Superiór Siénsia no Kultura, José Honório da Costa Pereira Jerónimo ne’ebé matebian pertense ba Partidu Demokrátiku (PD), nune’e desizaun atu hili no aprezenta kandidatu foun depende ba partidu ne’e, la’ós desizaun ne’ebé Primeiru Ministru bele foti mesak.
“Governu agora ne’e koligasaun. Ministru ne’ebé matebian pertense ba PD, no PD mak atu foti lista mai. Ha’u labele obriga, tanba ida ne’e mak demokrasia. Ita boot komprende governu agora ne’e koligasaun. Ministru ida matebian ne’e pertense ba partidu PD. PD mak atu foti lista mai, ha’u labele obriga,” hatene Primeiru-Ministru, Kay Rala Xanana Gusmão.
Xanana esplika, tanba agora Vise-Primeiru-Ministru, Mariano Assanami Sabino mak kaer hela nu’udar Ministru Ensinu Superiór Siénsia no Kultura Internu, ne’ebé demokrásia hanesan ne’e.
Antes ne´e, Ministru Ensinu Superiór Siénsia no Kultura Internu Mariano Assanami Sabino hatete Partidu Demokratiku iha ona figuira no sei aprezenta ba Xefe Governu no Konsellu Ministru hodi hetan aprovasaun no nomeasaun ba Posse hodi assume responsabilidade ne´e
Jornalista: Cristina Ximenes
Written by: RafaFM
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt