Ouvir RAFA Ritmo, Voz e Coração de Timor
Díli, 04 Novembru 2026 (RAFA)- Primeiru-Ministru, Kay Rala Xanana Gusmão husu bainhira reativa atividade arte-marsiál iha Timor-Leste tenke akompaña ho kontrolu rigorozu, disiplina no responsabilidade, atu evita konflitu no violénsia entre grupu sira.
Xefe Governu esplika ba jornalista sira, Kuarta-ne´e, iha Palasiu Prezidensial haktuir arte-marsiál iha objetivu atu dezenvolve abilidade, disiplina no respeitu, la’ós atu uza forsa hasoru malu, estraga propriedade ka hamosu konflitu iha komunidade.
“Arte ne’e katak, treinu didi’ak tiha grupu ida ho grupu ida ba halo, hatudu ida ne’ebé manan, la’ós fali oho malu, la’ós fali tuda malu, estraga ema nia uma, ema nia sasan sira ne’e hotu, ida ne’e la’ós arte,” hatene Primeiru-Ministru, Kay Rala Xanana Gusmão.
Xefe Governu mós alerta ba lider grupu arte-marsiál atu buka kontrola membru sira iha fatin hotu, ne’ebé bele hamosu problema seguransa.
Iha kontestu ne’e, reativasaun arte-marsiál bele fó oportunidade ba juventude atu dezenvolve disiplina, saúde no kapasidade pesoál. Maibé, se la iha fiskalizasaun no kontrolu ne’ebé di’ak, atividade ne’e mós bele aumenta risku konflitu no violénsia entre grupu.
Primeiru Ministru enfatiza katak, arte-marsiál tenke sai instrumentu atu promove dame, respeitu no unidade iha sosiedade, la’ós atu fahe komunidade.
Jornalista: Cristina Ximenes
Written by: RafaFM
Xanana Husu Membru Arte-Matrsiál Prioritiza Disiplina no Harii Dame
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt