Ouvir RAFA Ritmo, Voz e Coração de Timor
Díli, 04 Novembru 2026 (RAFA)- Prezidente Repúblika José Ramos-Horta hato’o orgullu ba joven sira, tanba selebrasaun finadu remata ho situasaun ne’ebé seguru, no la rejista insidente grave. Nia husu joven sira atu kontinua sai sidadaun ne’ebé di’ak ba nasaun.
“Prezidente Repúblika kontente, tanba iha finadu buat ida la akontese, hotu-hotu ba lembra matebian sira hodi husu atu ajuda nafatin ita sai sidadaun di’ak iha Timor laran,” Primeriu-Ministru, Kay Rala Xanana Gusmão haktuir mensajen PR José Ramos-Horta nian hafoin reniaun semanál ho Xefe Estadu iha Palásiu Prezidénsia, Kuarta-ne’e.
Xefe ezekutivu hatutan, Prezidente fó nia saudasaun, liu-liu ba juventude ne’ebé komporta di’ak iha tempu finadu, kapás, kontente tebe-tebes.
Iha enkontru semanál ne´e, Xefe Governu no Xefe Estadu partilla mós assuntu sira relativamente ho vizita estadu Prezidente Repúblika nian ba Koreia-súl, no iha ne´ebá Prezidente Repúblika sei ko’alia kona-bá pás, tamba mundu ohin loron presiza pás, manifestasaun iha Europa tomak kona-bá kustu vida, uma selu labele, eskola selu labele, saláriu kiik, ne’e mak Prezidente sei aproveita ko’alia kona-bá nesésidade pás iha mundu duni.
Xefe Governu esplika, funu entre Rusia nio Ukránia, iha mediu oriente no fatin seluk ne´ebé halo rai hotu-hotu tenke tau osan ba sosa kilat, sosa bomba, núfim populasaun iha kada rai ida moris la di’ak, osan laiha ona.
“Ita haree mós mundu, ita haree manifestasaun ne’ebé iha Indonézia moris ne’e hotu problema boot. Ne’ebé Prezidente dehan mai ha’u, husu boot ba joven sira ne’e, ita labele kopia tun, kopia sa’e ne’ebé halo manifestasaun arbiru,” Xanana esplika.
Jornalista: Cristina Ximenes
Written by: RafaFM
Prezidente Repúblika Kontete Joven Sira Hatudu Komportamentu Di’ak Durante Finadu
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt