Ouvir RAFA Ritmo, Voz e Coração de Timor
Baucau, 03 Novembru 2026 (RAFA)- Xefe Suku Tequinomata, Abilio Diamantino, informa, komunidade no sarani iha Tequinomata, Postu Administrativu Laga, Baucau, selebra finadu 2026 ho dame hodi hatudu respeitu ba matebian sira, inklui eroi no mártir sira ne’ebé mate ba libertasaun nasionál.
Xefe Suku Abilio Diamantino ba RAFA, Tersa-ne’e, hateten situasaun seguransa iha Suku Tequinomata liu-liu Aldeia Samaguia-Iti-Daho durante loron finadu, hahu husi loron 01 to’o loron 02 fulan-Novembru ne’e la’o di’ak no kontraladu. Laiha akontesimentu ne’ebé bele hamosu instabilidade iha komunidade.
“Haree ba situasaun iha tempu pasadu no agora, komunidade komesa iha ona maturidade. Barak mak komprende ona saida mak sira bele halo no saida mak sira labele halo. Ida-ne’e hatudu mudansa no estabilidade iha área seguransa,” hatete Xefe Suku Tequinomata Abílio Diamantino Ximenes.
Iha parte seluk, Xefe Aldeia Bulubai, Nazario Piedade Belo, mós konfirma katak durante loron finadu husi loron 01 to’o 02, situasaun iha aldeia hakmatek no laiha akontesimentu ruma.
Nia hatutan, Xefe Suku, Xefe Aldeia no OPS Suku kontinua servisu hamutuk atu mantein estabilidade.
“Bainhira akontese konflitu ruma, sira halo intervensaun lalais atu prevene problema sai boot,” haktuir Xefe Aldeia Bulubai Nazario Piedade Belo.
Suku Tequinomata kompostu husi aldeia haat, aldeia Bulubai, aldeia Caicasalari, aldeia Itidaho, aldeia Samaguia. Totál populasaun 2.263.
Iha observasaun RAFA durante serimónia kari ai-funan iha semitériu públiku sira, komunidade hatudu entusiasmu, respeitu no domin ba matebian sira liu husi tau ai-funan no sunu lilin iha kada semitériu no situasaun hotu kontroladu ho di’ak.
Jornalista: Cristina Ximenes
Written by: RafaFM
Suku Tequinomata Selebra Finadu ho Dame
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt