Noticias

Vise-PM Mariano Assanami Husu Motorista Sira Kontrola Velosidade iha Viajen Mai Díli

todayNovember 2, 2026 46

Background
share close

Díli, 02 Novembru 2026 (RAFA)-Vise-Primeiru-Ministru (PM) no Ministru Koordenadór Asuntu Sosial  no Ministru Dezenvolvimentu Rural no Abitasaun Komunitaria, Mariano Assanami Sabino, husu ba motorista sira atu kuidadu ho velosidade durante hala’o viajen husi munisípiu mai Díli hodi asegura katak pasajeiru sira to’o ho seguru.

“Uluk estrada aat ita hanoin estrada tenke di’ak, estrada di’ak tiha, ita halai la disiplina, ne’ebé husu hadomi imi nia isin, hadomi ita nia vida, distinu iha Maromak Nia liman. Maibe, ita tenke ho kuidadu”, hatete Vise- PM  Assanami Sabino hafoin karik ai-funan no sunu-lilin, iha Jardin dos Herois, Metinaro, Segunda-ne’e.

Governante ne’e mós apela ba motorista sira evita lori karreta no kondisaun kole ka dukur, hodi prevene asidente no salva vida.

“Dalaruma imi hadeer kalan, di’ak liu imi deskansa lai, kalan toba di’ak mak imi lori karreta no motór, ita la’ós estraga deit ita nia vida, maibe ita mós bele estrga ema nia vida, tanba ne’e halai neneik, ” tenik  Assanami Sabino.

Iha ámbitu selebrasaun loron boot Finadu tinan ida-ne’e, sidadaun barak aproveita feriadu hodi fila ba sira-nia munisípiu atu selebra hamutuk ho família no parente sira, inklui vizita rate matebian sira-nian hodi fó homenagem, halo orasaun, no hanoin hikas memória no sakrifísiu durante moris, nu’udar forma ida hodi hatudu respeitu inklui simu mos matan-malirin.

Jornalista: Marito da Costa

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!