Ouvir RAFA Ritmo, Voz e Coração de Timor
Díli, 30 Outubru 2026 (RAFA)– Xefe Seksaun Polísia Tránzitu no Seguransa Rodoviariu Munisípiu Díli, Superintendente Asistente Polísia Delfin da Silva, informa Polísia Tránzitu Díli sei halo leilaun ba motór hamutuk 72 ne´ebé prende iha tinan 2025 bainhira nain la aprezenta dokumentu orijinal no komprovativu durante loron 90.
Superintendente Asistente Polísia Delfin da Silva, Sesta-ne’e informa katak motorizada sira ne´e diresaun Tranzitu Munisípiu Díli sei lori ba Patrimóniu Estadu atu halo leilaun tuir rekizitu ne´ebé iha.
“Tuir Lei katak iha loron 90 evidensia sira ne’ebé polísia prende kuandu na’in la mai, Polísia halo prosesu hodi lori ba iha patrimoniu estadu,” Superintendente Asistente Delfin da Silva esplika.
Superintendente Asistente ne´e hatete katak Tránzitu Díli hein ho prazu tempu ne´ebé iha no bainhira liu husi ne´e sei halo karta ofisiál ba Ministériu Públiku halo verifikasaun ba motor sira ne’e lori ba leilaun.
“Tanba ne’e ita sei iha tempu husu ba motor karreta sira ne’ebé mak tahan iha ne’e husu ba na’in sira lori dokumentu mai hodi aprezenta atu nune’e antes ita lori ba iha patrimoniu estadu,” tenik nia.
Tránzitu Díli apela ba sidadaun ne’ebé nia motor prende iha 2025 atu lori dokumentu orijinál motor no karta kondusaun mai iha Komandu Tránzitu Díli Caicoli hodi kumpri infrasaun molok ba lelaun.
Jornalista: Juvinal Cabral dos Santos
Written by: RafaFM
Polísia Tránzitu Díli Sei Halo Leilaun Motór 72
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt