Noticias

Kadete PNTL Na’in-491 Passa Ba Prova Médiku

todayOctober 30, 2026 48 1

Background
share close

Díli, 30 Outubru 2026 (RAFA)- Prezidente Júri Rekrutamentu Kadete Polísia Nasionál Timor-Leste  (PNTL) 2026, Komisáriu Asistente Polísia José Soares, ofisialmente halo anúnsia rezultadu prova kulturál iha ne´ebé kandidatu na’in-562 mak pasa, no kruza ho prova psikolojia ne´ebé antes ne´e  hetan deit kandidatu na’in-491 mak hakat ba prova finál iha faze teste médiku.

Prezidente Júri informa katak rezultadu naran kandidatu sira ne’ebé pasa iha prova rua-ne’e sei taka sai iha Komandu Polísia Munisípiu no eskuadra sira hahú iha Sabadu, 31 Outubru 2026, durante loron-12 molok hakat ba prova sira tuir mai.

“Kandidatu sira ne’ebé mak pasa iha prova kulturál, aproveita haree mós prova psikolojia ninia, husi rezultadu prova rua-ne’e, sura hamutuk ne’ebé mak valor boot liu nia mak okupa primeiru lugar no valor sira seluk tuir mai prense tuir ranking hodi hakat ba iha prova médiku iha loron 13 fulan Novembru 2026,” hatete Komisáriu Asistente Polísia José Soares ba jornalista iha Salaun Konferensia Komandu Jerál PNTL, Sesta-ne’e.

Komisariu Asistente Polísia José Soares haktuir, prova kulturál kandidatu ne’ebé mak pasa iha na’in-562, no sira ne’ebé mak passa komisaun  kruza fali ho prova psikolojia hetan na’in-491 mak passa iha prova rua ne’e hodi avansa ba prova médiku.

“Prova psikolojia ne’e rezultadu ne’ebé halo ezame iha tinan 2025 rezultadu iha GNR nia liman ida-ne’e mak ita hetan hodi kruza ho prova kulturál”, dehan Prezidente Juri Rekrutamentu ajente PNTL.

Komisariu Asistente Polísia José Soares esplika, komisaun hakarak taka sai prova rua ne’e dala ida atu nune’e fó tempu ba kandidatu sira prepara an ba prova ikus liu mak prova médiku. Bareira husi prova psikolojia ninia ne’e foti husi bareira ki’ik liu ne’e mak valor 60, no prova kulturál 67.

Prezidente Juri Rekrutamentu afirma, rezultadu prova rua hatudu kandidatu lato’o tarjetu kandidatu na’in-750, ne’e kompetensia tomak governu mak deside oinsá atu responde ba planu rekrutamentu tinan 2026.

Jornalista: Juvinal Cabral dos Santos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!