Ouvir RAFA Ritmo, Voz e Coração de Timor
Díli, 30 Outubru 2026 (RAFA)– Xefe Seksaun Tránzitu Seguransa Rodoviariu Munisípiu Díli, Superintendente Asistente Polísia Delfin da Silva, Sesta-ne’e, hateten, Komandu Jerál PNTL hasai alerta ba Komandu PNTL Munisípiu Díli inklui Seksaun Tránzitu ho atividade diária tau postu seguransa tránzitu iha dalan halo swiping no auto stop.
hosi atividade swiping no auto stok durante loron hirak, hahú husi Kinta-kalan to’o Sesta, 29-30 Outubru ne’e, prende motór 24 ho kareta ida.
“Komandu hasai ona alerta ida ba iha Komandu PNTL Munisípiu Díli inklui Seksaun Tránzitu Seguransa Rodoviariu ninian, ho alerta ida ne’e Seksaun Tránzitu Seguransa Rodoviariu ninia atividade diaria mak tau iha postu seguransa tránzitu iha dalan sira ne’e halo atividade swiping, halo atividade auto stop,” Superintendente Asistente Delfin da Silva inform aba jornalista sira.
Komandante Polísia Tránzitu Díli haktuir sira koloka membru tránzitu iha postu provizóriu ba área risku hanesan Bairro-Pité no Ai-Tarak Laran kuandu tempu kalan iha insidente ruma bele atende lalais.
“Ohin, motorista sira balun mai ona simu sira nia karta infrasaun hodi ba selu koima iha banku, atu bele liberta sira-nia motór,” nia informa.
Xefe Tranzitu ne´e informa infrasaun ne´ebé maioria motorista sira kontra mak kanu resin, la uza espellu, xapa laiha no kontra sinais.
Atividade swiping no auto stop sei kontinua hodi fó hanoin ba komunidade liu-liu iha bairru estrada kloot labele para karreta ka motór iha sori-sorin no buka sidadaun lori arma branka hodi prosesu ba investigasaun.
Aleinde ne’e iha semana ida nia laran akontese asidente sia (9); na’in ida lakon vida iha área Metinaro. Asidente ualu seluk ema kanek kaman no ida rezolve tuir família.
Jornalista: Juvinal Cabral dos Santos
Written by: RafaFM
Pende Motór 24 ho Karreta Ida PNTL Halo Swiping no Auto Stop
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt