Noticias

Kazu Konfrontu Beto, Tribunál Aplika Medida Aprezentasaun Periódika Ba Arguidu Sira

todayOctober 30, 2026 40

Background
share close

Díli,  30 Outubru 2026 (RAFA)– Tribunál Judisiál Primeira Iinstánsia Díli (TJPID) aplika medida koasaun Aprezentasaun Periódika bá arguidu na’in-tolu ne’ebé suspeita envolve iha konfrontasaun grupu arte-marsiál  iha área Beto,  Díli Segunda, foin laais ne’e.

Iha audénsia julgamentu iha Kinta-ne’e, Ministériu Públiku  akuza  arguidu sira ho krime  obstrusaun atoridade públika no danu adgravadu

Iha audénsia julgamentu arguidu sira deklara bá Tribunál katak, konfrontasaun  arte-marsiál iha  Beto, sira la envolve nu’udar membru arte-marsiál tanba sira  hanesan negósiante.

Arguidu sira konfesa katak bianhira akontese konforntasaun fiziku no tuda-malu entre membru grupu arte-marsiál sira, maka sira halai ba atu salva sira-nia sasan negosiu. Maibé teki-teki polísia kaptura fali sira hodi akuza sira mak autor ba konfrontu ne’e.

Iha alegasaun, Prokuradór Barolomeio de Araújo ne’ebé reprezenta Ministériu Públiku husu tribunál atu aplika aprezentasaun periódika kada semana bá Ministériu Públiku  no Termu Indentidade bá Rezidénsia (TIR)

Parte defeza liu husi Defensór Públiku Germano Ramos Guterres aseita ho alegasaun Ministériu Públiku, maibé labele bandu arguidu sira hodi kontínua sira atividade negósiu.

Fó hanoin fali katak, iha 26  fulan-Outubru ne’e,  autoridade Seguransa  husi Tasck Force, Unidade Espesiál Polísia, Batailliaun Ordén Públiku,  Polísia Eskuadra Dom-Aleixo, Eskuadra Nain-Feto, Polísia Militár ho korpu Bombeiru sira, halo atuasaun hodi kaptura suspeitu na’in-haat tanba envolve iha atake  malu husi gurpu arte-Marsiál sira iha Beto.

Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!