Ouvir RAFA Ritmo, Voz e Coração de Timor
Díli, 29 Outubru 2026 (RAFA)-Organizasaun Naun Governamentál La’o Hamutuk konsidera Timor Gap sosa partisipasaum 33,44% husi Woodside iha kampu Greater Sunrise reprezenta orgullu, amb isaun no emosaun.
Ho sosa partisipasaun Woodside nian ne’e hatudu ona katak Timor Gap sosa ona partisipasaun husi empreza tolu hanesan Conociphlips, Osaka Gás no Woodside.
Koordenadór La’o Hamutuk, Celestino Gusmão ba RAFA, Kinta ne’e, dehan, ho sosa partisipasaun ne’e hatudu katak Timor Gap iha ambisaun sosa hotu konsorsiu iha kampu Greater Sunrise.
“Timor Gap hanesan mós Governu Timor-Leste nian atualmente, reprezenta ambisaun ida atu aselera dezenvolvimentu ba kampu ida ne’e. Ne’e hanesan reprezenta ambisaun, orgullu no mós emosaun,” Koordenadór La’o Hamutuk, Celestino Gusmão.
La’o Hamutuk hanoin katak, tuir situasaun ne’ebé falta iha konsiderasaun ba asuntu finansiamentu, asuntu ekonómiku, ambientál, seguransa ba rai, seguransa ba saúde públiku buat sira ne’e hotu ladun iha falta konsiderasaun ba kestaun sira ne’ebé iha relevansia ho projetu ida ne’e.
La’o Hamutuk husu ne’e kleur tiha ona kona-bá projetu ida ne’e ninia abilidade, seguransa finansiamentu, liu-liu relasaun ho disponbilidade finansiamentu públiku ba Timor-Leste. Ho mós oportunidade atu avansa diversifikasaun ekonómika, ho medida preventiva sira ne’ebé proteze povu, rai nia diresaun ne’ebé sustentavel ho klasifikadu.
Celestino hatutan, ho hanoin katak kestaun boot liu iha projetu ida ne’e mak kalku ekonómiku, kalku finansiamentu. Tanba, Orsamentu Jerál Estadu ba 2027 MPRM iha alokasaun balun ba projetu tasi mane, greater sunrise no mós iha prozesaun ba tinan rua tuir mai ne’e ho mós aumenta osan ba sira.
Nune’e, ida ne’e hatudu katak, enkuantu mais aumenta partisipasaun iha projetu ida ne’e, aumenta mós obrigasaun finansiamentu.
“Ita konsentra ita nia rekursu uitoan ne’ebé ita iha ba setór ida, nia la sai oportunidade ba dezenvolve setór seluk ne’ebé ba Timor-Leste hanesan urjente,” nia preokupa.
Jornalista: Cristina Ximenes
Written by: RafaFM
Ambisaun no Emosaun Reprezenta Orgullu Sosa Partisipasaum Woodside
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt