Noticias

MTK iha Planu Instalasaun no Manutensaun Lampu Tránzitu sira iha Kapital Díli

todayOctober 28, 2026 25

Background
share close

Díli, 28 Outubru 2026 (RAFA)- Ministru Transportes no Komunikasaun (MTK), Miguel Marques Gonçalves Manetelu, informa Governu identifika ona fatin 11 no iha planu atu instala ka hadi’a semáforu ka lampu tránzitu  sira, maibé iha fatin balu sei presiza konsidera planu alargamentu estrada antes hala’o servisu.

“Ida uluk estabelese halo ne’e nia mak nafatin tanba sei iha alargamentu estrada tanba ne’e mak difikulta mós, ne’ebé ami sei koordena ho Ministru Obras Públika ho teknika sira, fatin 11 ne’e ita identifika hotu ona, mais iha fatin balun atu alarga Estrada,” Ministru Miguel Marques Gonçalves Manetelu inform aba jornalista sira iha Díli, Kuarta-ne’e.

Governante ne’e mós informa katak fó ona orientasaun ba Diresaun Nasionál Transportes no Terrestres (DNTT) no kompañia PT Javis Teknologi Albarokah atu moderniza semáforu ka lampu tránzitu sira ne’ebé aat iha Díli, inklui instala semáforu foun iha kruzamentu estrada balu.

Objetivu husi servisu ne’e mak atu hadi’a sistema kontrolu tráfegu, fasilita movimentu veíkulu no aumenta seguransa ba motorista, utilizadór motorizada no ema ne’ebé lao-ain iha estrada.

Tuir observasaun RAFA iha terenu hatudu katak  semáforu balu ne’ebé la funsiona mak hanesan iha área Colmera, Balide, Igreja Katedral nian, Audian no Bidau, ne’ebé fó risku ba utilizadór estrada, liuliu motorista no ema ne’ebé lao-ain atu atravessa estrada.

Jornalista: João Carlos/Juvinal Cabral

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!