Ouvir RAFA Ritmo, Voz e Coração de Timor
Díli, 27 Outubru 2026 (RAFA)- Polísia Sientífiku Investigasaun Kriminál (PCIC) tau prioridade bá arguidu sira ne’ebé dadaun ne’e iha prizaun preventiva ba prosesu kontinuasaun investigasaun bá kazu scam call centre.
Diretór Nasionál PCIC, Vicente Fernandes e Brito bá jornalista sira iha Díli, Tersa-ne´e katak, maske autór prinsipál sira bá kazu scam call centre la’ós iha Timor, maibé bazeia bá lei penál kooperasaun internasionál, tanba lei ne’e adopota mós konvensaun sira ne’ebé Timor-Leste ratifika ona.
Tuir nia, bainhira vitíma ka autór sira iha li’ur, iha mekanizmu atu estabelse mutual nivél asisténsia, no Estadu Timor-Leste liu-husi instisaun relevante sira halo karta kekerimentu bá nasaun ne’ebé mak nia ema hela bá.
“Ita tenke prioridade bá sira ne’ebé iha prizaun preventiva, tanba ita kodigu Prosesu Penal hateten katak, fó prioridade bá arguidu sira ne’ebé iha prezu ne’e, ne’ebé ita fó orientasaun katak prosesu sira ne’ebé Ministériu Públiku delega mai PCIC ita fó prioridade bá sira ne’ebé iha prizaun preventiva,” Diretór PCIC, Vicente Fernandes e Brito hateten.
PCIC simu delegasaun kompténsia husi Ministériu Públiku kona-bá kazu Scam Call Centre, hamutuk 15, kada prosesu iha komplesidade, maibé autoridade PCIC sei esforsu hodi ajuda autóridade judisiáriu no apoiu majistradu Ministériu Públiku hodi realiza investigasaun. No to’o agora PCIC sidauk funaliza investigasaun bá kazu Scam Call Centre liu-liu bá arguidu sira hamutuk 69 kompostu husi Díli 63, no otél Oé-Opu RAEOA na’in-neen, ne’ebé dadaun ne’e iha prizaun preventive.
Nia dehan, delegasaun kompoténsia husi Ministériu Públiku, estabelese ona prazu balu loron-60 to’o loron 90, maibé sei prova sidauk sufisiénte Ministériu Públiku bele prolonga tan
Iha fatin hanesan Prokuradór Jerál Repúblika (PGR), Nelson de Carvalho hatete, prsesu atu produs akuzasaun bá prosesu Scam Call Centre depede bá rezultadu investigasaun, atu rekolla evidénsia no prova sira ,tanba krime bá atividade ilísitu n’e barak.
“Ha’u bele hatete bá ita boot sira katak ema balun mós dehan katak, protesta bá akuzasaun fraku, favór ida tenke hatene tramitasaun prosesuál, bainhira kuandu to’o iha akuzasaun mai, tenke iha faze invetigasaun, iha invetigasaun maka ita rekolla saída, evidensia provas, ne’ebé maka iha maka ita foin halo akuzasaun la’ós dehan katak primeiru Interogatóriu, sumariumentu maibé akuzasaun fraku, la’ós ida-ne’e,” hatete PGR Nelson de Carvalho.
Prokuradór ne´e afirma, la bele hamosu opiniaun públiku bá atu desfama servisu Ministériu Públiku, sei mak sente katak akuzasaun fraku, bele esforsu sai prokuradór, no sai ofisiál justisa atu bele hatene servisu Ministériu Públiku nian.
Jornalista: Marcelino Tomae
Written by: RafaFM
PCIC Prioritiza Arguidu Sira Ne’ebé iha Prizaun Preventiva
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt