Ouvir RAFA Ritmo, Voz e Coração de Timor
Díli, 26 Outubru 2026 (RAFA)- Prezidente Komisaun Reguladora Arte-Marsiál (KRAM), Octavio da Conceição, anúnsia ba públiku katak Lei númeru 5/2017 ne´ebé revoga ona ho Lei númeru 9/2026 iha loron 22 Jullu 2026 fó dalan atu re-ativa ofisiál ba prátika arte-marsiál iha Timor-Leste.
“Uluk Lei númeru 5/2017 ne’e ho títulu rejime juridika prátika arte-marsiál, arma branka no rama ambon, iha kintu alterasaun ba Kódigu Penál altera fil- fali ho títulu badak rejime juridiku ensinu ba aprendizajen ba prátika arte marsiál, ne’ebé Sua Exelénsia Prezidente Repúblika promulga ona iha 22 fulan-Jullu 2026. Lei foun ida-ne’e entrada ona ho vigór ka hahú aplika ona iha ita nia rai iha loron 22 fulan-Outubru 2026 semana kotuk”, hatete Prezidente KRAM, Octavio da Conceição liuhusi Konferénsia Imprensa iha Lecidere, Segunda-ne’e.
Prezidente KRAM afirma, natureza Lei 9/2026 kria komisaun reguladora rua, komisaun fiskalizasaun no monitorizasaun ba prátika aprendizajen arte-marsiál atu haree ba infrasaun, falta disiplina, krime; no komisaun reguladora desportu arte marsiál mak haree liu edukasaun sivika ho diálogu ba konflitu iha baze arte marsiál.
Aleinde ne’e, sei realiza kompetisaun silat Timor-Leste hamutuk ho federasaun sira hodi tau matan ba dezenvolvimentu silat hanesan modalidade desportu. No Lei foun eziste sei fó sansaun koima ki’ik liu US$150 to’o US$500, boot liu husi US$1.000,00 to’o US$20.000,00 depende ba grau krime ne’ebé membru ka grupu arte marsiál komete.
Prezidente KRAM rekoñese iha Lei 5/2017 iha koima maibé la implementa tanba la iha Dekretu Lei. Maibé Leí foun ne’e sei aplika rigor ba individu no grupu ne’ebé utiliza atributu arte marsiál hodi kria konflitu.
“Prepara prosesu loron 90 ba oin to’o loron 22 fulan-Janeiru, ita hahú re-ativa ofisiál ba prátika arte-marsiá iha ita nia rai. Ha’u dehan tanba presiza loron 90 ne’e atu halo saida, ida mak atu konsolida organizasaun arte-marsiál sira ne’ebé iha Federasaun Silat Timor-Leste (FESTIL) nia okos atu re-atualiza fila fali sira nia estatutu organizasaun sira, re-atualiza fila-fali sira-nia membru sira organizasaun arte-marsiá”, Prezidente KRAM Octavio da Conceicao informa.
Ministériu Juventude Desportu Arte no Kultura (MJDAK), liuhusi KRAM sei sosializa lei foun ba munisípiu no Postu-Administrativu hotu antes 22 Janeiru 2027 re-ativa arte marsiál. Regras foun nia eziste sei fó formasaun ba arbitu, treinadór no juis.
KRAM alerta krime ne’ebé akontese individu tenke responsabiliza nia aktu rasik sei la lori organizasaun, karik konflitu entre arte marsiál sei aplika koima tuir grau krime.
Jornalista: Juvinal Cabral dos Santos
Written by: RafaFM
Janeiru 2027 KRAM Re-ativa Ofisiál Prátika Arte-Marsiál iha Timor-Leste
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt