Ouvir RAFA Ritmo, Voz e Coração de Timor
Díli, 26 Outubru 2026 (RAFA)- Timor-Leste propoin kooperasaun komún ba estadu membru CPLP hotu atu kombate fraude online iha reuniaun korrespondente membru Estadu Komunidade Nasaun Lo’alia Lian Portugés (CPLP).
Konferénsia Estadu CPLP ba dala-XIX, ne’ebé prezide husi Timor-Leste ho tema “Kombate Fraude Online no Protesaun bá Sidadaun no Kooperasaun Jurídika Internasionál kasoru kriminalidade Transnasionál Foun.”
Korrespondente Timor-Leste no Prezidente Komisaun Organizadór, Nelinho Vital, hatete bá Jornlista sira hafoin remata reuniaun iha Otél Palm Spring, Segunda-ne’e, katak problema fraude online ka scamming online la’ós de’it akontese iha Timor-Leste, maibé mós afeta país membru sira CPLP. Tanba ne’e presiza paíz membru sira hotu hamutuk buka solusaun liu-husi diskusaun no kooperasaun komún, atu haree medida sira ne’ebé bele aplika iha espasu CPLP hodi kombate krime fraude online.
“Ita haree katak kazu ida-ne’e la’ós akontese iha Timor-Leste, maibé paíz membru CPLP mós enfrenta kazu hanesan, entaun ita mai ho pensamentu komún ida, atu ita diskute hamutuk saída maka ita halo hamutuk iha espasu CPLP ninian,” hatete Korrespondente Timor-Leste no Prezidente Komisaun Organizadór, Nelinho Vital.
Nia esplika, durante Timor-Leste hala’o prezidénsia iha área Justisa CPLP, país ne’e sei propoin kooperasaun entre Estadu membru sira, hodi hametin esforsu hamutuk atu kombate krime fraude online.
Parte seluk, Sekretáriu-Jerál Prezidensiál São Tomé e Prínsipe, Erdman Capela, hatete nasaun sira iha mundu Estadu membru CPLP sira, presiza kontinua kooperasaun atu atinji objetivu ne’e, no konsidera katak tinan 12 mak tempu badak atu alkansa metas ne’ebé planeia, liuliu iha área dokumentasaun notariadu dijitál no kombate fraude online.
“Ohin, ita iha ne’e, iha Timor-Leste atu entrega prezidénsia CPLP, ho tema kombate fraude online,” hatete Erdman Capela.
Estadu membru sira husi CPLP nian iha ninvél tékniku korrespondente nasionál halo reuniaun hodi aporva sikuénsia sira atu haree asuntu sira ne’ebé maka aban atu lori bá aprovasaun iha komférensia Ministru Justisa CPLP.
Jornalista: Marcelino Tomae/João Carlos
Written by: RafaFM
Timor-Leste Propoin Kooperasaun Komún CPLP Ba Kombate Fraude Online
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt