play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

PR Ramos-Horta Husu Banku KAEBAUK Kontinua Apoia Empreendedór Ki’ik Sira

todayOctober 24, 2026 67

Background
share close

PR José Ramos-Horta partisipa iha lansamentu ofisiál operasaun KAEBAUK, S.A hanesan banku iha Timor-Leste, Sesta 23 Outubru 2026.

Díli, 24 Outubru 2026 (RAFA)- Prezidente Repúblika, José Ramos Horta apresia kontribuisaun Banku KAEBAUK iha dezenvolvimentu mikro kréditu no husu banku ne’e atu kontinua apoia empreendedór mikro, ki’ik no médium, liu-liu sira ne’ebé hela iha área remota.

PR Ramos-Horta hato’o intervensaun iha lansamentu Banku KAEBAUK.

Iha serimónia lansamentu ofisiál Banku KAEBAUK, iha Bebonuk,  Díli, Sesta-ne’e, Xefe Estadu hato’o parabéns ba lideransa no funsionáriu banku ne’e, ne’ebé hahú ninia viajen husi programa mikrokréditu Tuba Rai Metin, iha tinan 2001.

Prezidente Repúblika mós hato’o preokupasaun kona-bá  jurus bankária ne’ebé aas no husu atu reforsa utilizasaun rekursu finanseiru iha banku sira atu suporta dezenvolvimentu ekonómiku nasionál.

“Ha’u nunka komprende, ha’u sempre ko’alia tanbasá mak banku sira sempre karega funan todan tebe-tebes iha merkadu,” hatete Prezidente Repúblika, José Ramos Horta.

Iha parte seluk, Governadór Banku Sentrál Timor-Leste (BCTL), Helder Lopes, esplika katak prosesu fó lisensa ba banku foun bazeia ba avaliasaun komponente fundamentál tolu: kapital no na’in banku nian, kapasidade ekipa jestaun no planu negósiu.

Nia mós husu Banku KAEBAUK atu kontinua atende empreza mikro, ki’ik no médium, liuliu iha área remota, atu hametin inkluzaun finanseira no dezenvolvimentu ekonómiku.

Entretantu, CEO Banku KAEBAUK, Ângelo Soares, relata katak instituisaun ne’e hahú husi programa mikrokréditu Tuba Rai Metin, ho rekursu limitadu no ekipa ki’ik.

Maski hasoru difikuldade boot iha tinan 2006–2007, inklui redusaun saláriu no benefísiu, ekipa kontinua servisu to’o mehi ne’e sai realidade ho estabelesimentu Banku KAEBAUK.

Ho lema “KAEBAUK, Ami ho Ita,” banku ne’e reafirma kompromisu atu serbí kliente sira no hamutuk harii futuru ne’ebé di’ak liu.

Banku KAEBAUK ezisté iha tinan 2001 no iha loron 09 fulan-Setembru 2026, ofisialmente hetan legalizasaun husi Banku Sentral Timor-Leste (BCTL), no sukursal hamutuk 21 ho kliente rihun 22 resin to’o tinan ida-ne’e.

Jornalista: Cristina Ximenes

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!