Ouvir RAFA Ritmo, Voz e Coração de Timor
Vise-Ministru Komérsiu Repúblika Popular Xina, Yan Dong, halo enkontru ho Ministru Komérsiu no Indústria, Filipus Nino Pereira, iha Ministériu Komérsiu no Indústria, Díli, Kinta 22 Outubru 2026.
Díli, 22 Outubru 2026 (RAFA)- Governu Repúblika Popular Xina aplika zero taxa ba produtu lokal Timor-Leste tama merkadu Xina.
Afirmasaun Governu Xina nian ne’e hato’o diretamente husi Vise-Ministru Komérsiu Repúblika Popular Xina, Yan Dong, iha ámbitu enkontru kortejia ho Ministru Komérsiu no Indústria, Filipus Nino Pereira, Kinta-ne’e, iha Ministériu Komérsiu no Indústria, Díli.
“Ita hatene katak ita-nia produtu lubuk ida mós tama ona iha merkadu Xina, maibé balun hasoru hela problema, liuliu kona-bá regulamentu Alfándega nian. Maibé, ohin, iha afirmasaun katak Xina aplika zero taxa ba produtu lokal husi Timor-Leste,” Ministru Filipus Nino Pereira haktuir.
Governante ne’e esplika medida ne’e bele ajuda exportadór Timor-oan atu hamenus kustu Alfándega no aumenta kompetitividade produtu lokál sira iha merkadu internasionál.
Nino Pereira hatete Governu Xina mós prepara plataforma no oportunidade promosaun oioin atu ajuda Governu Timor-Leste no setór privadu promove produtu nasionál iha eventu expozisaun komérsiu boot sira iha Xina, inklui eventu Xina International Import Expo.
Ministru ne’e subliña implementasaun tarifa zero bele sai oportunidade importante ba Timor-Leste atu aumenta volume esportasaun, kria oportunidade empregu no hasa’e rendimentu ba agrikultór, peskadór no empreza lokál sira, se procura ba produtu Timoroan aumenta no prodútór sira konsege fornese produtu ne’ebé kumpre padraun merkadu Xina.
Jornalista: João Carlos
Written by: RafaFM
Governu Xina Aplika Zero Taxa Ba Produtu Lokal Timor-Leste
todayNovember 20, 2026 12 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt