play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Ekipa Voleibol Feto Choque Halakon ADR Uniaun 3-1

todayOctober 22, 2026 12

Background
share close

voleibol feto Choque susesu halakon ADR Uniaun ho rezultadu set 3-1.

Díli, 22 Outubru 2026 (RAFA) — Ekipa voleibol feto Choque susesu halakon nia adversáriu ADR Uniaun ho rezultadu set 3-1.

Iha jogu kontinuasaun Liga Voleibol Timor-Leste Primeira Divizaun époka 2026 ne’ebé hala’o iha Jináziu Desportu Díli, Kuarta-ne’e, ADR Uniaun ne’ebé mak haforsa husi  jogadora estranjeira na’in rua, Claudia Amelia Reva no Ade Oktaviana Safitri, konsege fó smash ne’ebé halo adversariu Choque difisil. Maibé, ekipa Choque Becora ne’ebé mak haforsa mós husi jogadora estranjeira na’in-rua hanesan Deva Cahya Mutiara no Shinta Yuliyanti konsege halo bloku ne’ebé efetivu no responde ho smash hodi konkista vitória iha set dahuluk ho pontu 25-19.

Tama ba set daruak ADR Uniaun la hakruuk no responde iha set daruak, ne’ebé hala’o ho kompetisaun maka’as to’o ikus, molok ADR Uniaun manán ho pontu 26-24 no halo rezultadu sai 1-1.

Intensidade jogu kontinua maka’as iha set datoluk, ne’ebé Choque fila fali atu kontrola jogu no manán ho diferensa pontu boot, 25-13, hodi lidera fali rezultadu set 2-1.

Iha set dahaat, ne’ebé sai momentu determinante ba vitória, ekipa rua hatudu nivel kompetisaun aas, ho troka malu pontu no luta maka’as to’o pontu ikus. Maski, ADR Uniaun koko atu salva nia oportunidade, Choque konsege manán ho pontu apertadu 27-25, no taka nia vitoria ho rezultadu 3-1.

Jornalista: Davilio Valdamir/ Nelson Dias

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!