Ouvir RAFA Ritmo, Voz e Coração de Timor
Díli, 21 Setembru 2026 (RAFA)– Konsellu Ministru, Kuarta-ne´e, delibera hodi aprova ajustamentu temporáriu ba folin unitáriu referénsia nian hosi produtu petrolíferu no simentu ne’ebé uza iha ezekusaun obras públika, haree ba aumentu hosi kustu hosi materiál hirak ne’e iha merkadu nasionál no internasionál, asosiadu ho konflitu armadu iha Europa no Médiu Oriente.
“Deliberasaun ne’e determina katak Ajénsia Dezenvolvimentu Nasionál (ADN, IP) atualiza folin referénsia, konsidera valór hosi US$1.65 kada litru kombustivel nian, US$5 kada saku simentu nian, no US$1.25 kada kilograma hosi material betuminozu nian,” RAFA sita komunikadu ofisiál husi Governu.
Medida ne’e ho objetivu atu adapta kustu obras públikas nian ho realidade merkadu nian, evita suspensaun projetu, no mós garante kontinuidade no kualidade konstrusaun infraestruturas públikas nian.
ADN mós iha responsabilidade atu akompaña beibeik dezenvolvimentu folin sira no halo ajustamentu nesesáriu sira hodi proteje interese Estadu nian no empreza sira ne’ebé envolve.
Jornalista: Zita Menezes
Written by: RafaFM
Governu Halo Atualizasaun Ba Folin Kombustivel Simentu no Material Betuminozu iha Merkadu Nasionál
todayNovember 20, 2026 12 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt