Ouvir RAFA Ritmo, Voz e Coração de Timor
Díli, 19 Outubru 2026 (RAFA)- Komisaun Anti-Korupsaun (CAC, sigla portugés) iha programa prioridade iha Orsamentu Jerál Estadu (OJE) tinan 2027 ne´ebé kobre diresaun jerál investigasaun kriminál, diresaun jerál prevensaun no sensibilizaun.
Komisáriu Komisaun Anti-Korupsaun (CAC, sigla portugés), Rui dos Santos Perreira, ba jornalista sira Segunda-ne’e iha Parlamentu Nasionál hatete objetivu audiénsia públiku ho komisaun A Parlamentu Nasionál trata asuntu Konstituisaun no Justisa atu relata ezekusaun Orsamentu Jerál Estadu OJE 2026 no mós kona-bá planu no program aba Orsamentu Jerál Estadu OJE 2027 nian.
Nia afirma iha audiénsia públiku ne’e CAC husu tán orsamentu adisionál US$600 itál mill tanba presiza atu sosa ekipamentu IT ninian, no mós CAC planu atu hao rekrutamentu ba funsionáriu espesialista ba Komisaun Anti-Korrupsaun na’in-10 ne’ebé atu apoiu servisu CAC nian iha deklarasaun rikusoin nian
“Planu ba oin ita nia orsamentu iha redusaun husi US$2.000,200 millaun itál ne’e tuun tiha ba US$2,000,20 millaun, mais US$20 mill ne’e hamenus tán balu ami minus tiha husi pakte fiskál US$30 mill itál, Ne’ebé ho minus sira ne’e mak ohin ami aprezenta mai iha Komisaun A atu nune’e bele lori fil-fali ba aprezenta iha plenária Parlamentu Nasionál para aumenta osan ruma, maibé sé nia la aumenta sei prejudiká ba programa no atividade CAC ninian,” hatete Komisáriu Rui dos Santos Perreira.
Fatin hanesan, Prezidente Komisaun A trata asuntu Konstituisaun no Justisa Deputadu Natalino dos Santos hatete objetivu husi audiénsia públika ne’e mak atu rona opiniaun husi instituisaun estadu sira.
“Komisaun Anti-Korrupsaun mós hetan redusaun, agora hetan redusaun ne’e depende ba sira aprezenta sira nia planu anuál ba iha Governu liuhosi Kro Politiká orsamentál depende sira mak sira nia planu iha ne’ebá depois mak Governu atribui ho verbas ne’ebé mak adekuadu tuir sira nia argumentu,” hatete Deputadu Natalino dos Santos.
Jornalista: Zita Menezes
Written by: RafaFM
CAC Tau Prioridade Ba Diresaun Rua Importante iha OJE 2027
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt