Ouvir RAFA Ritmo, Voz e Coração de Timor
Díli, 16 Outubru 2026 (RAFA) – Prezidente Komisaun A Parlamentu Nasionál trata asuntu Konstituisaun no Justisa, Deputadu Natalino dos Santos, informa komisaun A hahú halo audiénsia públika ho Gabinete Primeiru-Ministru (GPM) no Prezidénsia Konsellu Ministru (PCM) hodi rona planu no programa prioridade husi Ministériu sira ba Orsamentu Jerál Estadu (OJE) 2027 antes tama ba debate jeneralidade no espesialidade.
“Agora audiénsia públika ne’e atu rona sira nia previzaun perspetiva ba oin 2027 ne’e sá prioridade mak iha Gabinete Primeiru Ministru nia rasik no mós Prezidénsia Konsellu-Ministru projeta ba futuru saida mak sira halo iha sira nia instituisaun liuliu iha Ministériu Konsellu-Ministru no mós iha Gabinete Primeiru-Ministru,” hatete Deputadu Natalino dos Santos.
Husi audiénsia públika ne’e mak komisaun A sei uza atu formula relatóriu pareser setoriál hodi nune’e submete ba komisaun C elabora relatóriu orsamentu jerál estadu OJE 2027 hodi lori ba aprovasaun iha debate jeneralidade no espesialidade.
Reprezentante Gabinete Primeiru-Ministru no Prezidénsia Konsellu-Ministru iha audiénsia públika ne’e, SEKOMS Expedito Dias Ximenes hatete, iha audiénsia públika ne’e Ministériu Prezidensia Konsellu-Ministru, nomós Gabinete Primeiru-Ministru hato´o mos kona-bá ezekusaun OJE 2026 nomós programa no planu prioridade Orsamentu Jerál Estadu OJE 2027 nian.
“Iha 2027 nian husi komité revizaun politiká orsamentu ne’ebé aloká ba iha PCM tuun husi US$7 millaun ba iha US$4.9 millaun, nia tuun ida-ne’e tanba iha orsamentu jeral estadu 2027 nian komité revizaun politiká halo mundansa oinsá mak prepara orsamentu liuliu ba iha prioridade Governu nian,” hatete SEKOMS Expedito Dias Ximenes.
Sekrtetáriu Estadu ne´e informa mos katak, iha ezekusaun OJE 2026 PCM atinje 80,6% no iha komité revizaun politikú orsamentu jerál estadu OJE 2027 ne’ebé aloká ba PCM US$4.9 millaun.
Jornalista: Zita Menezes
Written by: RafaFM
Komisaun A Hahú Audiénsia Públika ho GPM no PCM Kona-bá OJE 2027
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt