Ouvir RAFA Ritmo, Voz e Coração de Timor
Díli, 16 Outubru 2026 (RAFA)- Prezidente Juri rekrutamentu ba Kadete Polísia Nasionál Timor-Leste (PNTL) 2026, Komisáriu Asistente Polísia José Soares, informa katak husi rezultadu prova kulturál ba munisípiu ualu hanesan Aileu, Ainaro, Ataúro, Baucau, Bobonaro, Covalima, Díli no Ermera, provizoriamente kandidatu na’in-354 mak passa hodi kontinua ba iha teste psikolojia no saúde.
“Iha munisípiu ualu mak halo ona ezame. Daudaun Ermera, husi ema 5.815 mak atende ona ezame prova kulturál ninian, husi prova kulturál nia rezultadu hatudu katak iha 354 mak passa iha prova kulturál iha feto 87, no mane 267,” Komisáriu Asistente Polísia José Soares inform aba jornalista sira iha Komisaun Funsaun Púbvika, Sesta-ne’e.
Tuir Komisariu Asistente Polísia José Soares katak to’o agora provizoriu vaga ne’ebé mak ba kada munisípiu la to’o nia kuota mak Oé-cusse, tanba vaga presiza 14, maibé na’in-rua de’it mak passa iha prova kulturál, aleinde ne’e munisípiu sira seluk mós valor la atinji to’o vaga ne’ebé públika, bainhira prova ne’e hotu sei aprezenta ba iha Ministru Interiór mak foti desizaun.
Prezidente Juri rekrutamentu haktuir, munisípiu Díli kandidatu na’in-150 passa iha prova kulturál. Aleinde ne’e prova kulturál provizoriu husi munisípiu ualu, kandidatu Dionisio Fraga Freitas husi munisípiu Díli okupa valor boot ho valor-90.
“Dadauk ne’e Díli mak boot ho valor-90 karik la sala ha’u rona informasaun uluk kandidatu ne’e nia mak okupa primeiru lugar iha Díli, tuir fali mai Aileu 86, tuir fali Ainaro 82. Tanba ne’e bá kandidatu sira se o luta ba o nia futuru fó an tomak, ho fó hanoin tomak, disiplina mai sensu hodi tuir, ha’u dalaruma observa iha leten kandidatu sira maioria nia tempu seidauk hotu nia termina uluk,” nia hateten.
Komisariu Asistente Polísia José Soares husu kandidatu sira tempu ezame aproveita didi’ak, bainhira hotu tenke haree fila-fali, tanba prova ne’e mak determina kandidatu sira nia futuru.
Prezidente juri rekrutamentu rekomenda ba kandidatu sira tenke haree didi’ak orariu sira ne’ebé taka ona iha Komandu munisípiu sira, no eskuadra sira atu nune’e labele tarde tanba agora sistema eliminatoriu.
Jornalista: Juvinal Cabral/João Carlos
Written by: RafaFM
Kandidatu Kadete PNTL 354 husi Munisípiu Ualu Passa Ba Teste Psikolojia no Saúde Provizóriu
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt