Ouvir RAFA Ritmo, Voz e Coração de Timor
PM Xanana Gusmão halo enkontru ho juri rekrutamentu Juís STJ iha Palásiu Governu, Kinta 15 Outubru 2026.
Díli, 15 Outubru 2026 (RAFA)- Primeiru-Ministru (PM), Xanana Gusmão, husu ekipa juri internasionál ba selesaun juíz tenke hili Timoroan ne’ebé kualifikadu hodi bele ba tuur iha Supremu Tribunál Justisa (STJ) Timor-Leste nian.
PM Xanana hato’o apelu ne’e bainhira simu audénsia ho membru Komisaun Rekrutamentu Selesaun Juíz Supremu Tribunál Justisa ne’ebé akompaña mós ekipa Juri Internasionál husi Portugal, Kinta-ne’e, iha Palásiu Governu.
Objetivu husi enkontru ne’e mak atu partilla informasaun sira kona-bá prosesu rekrutamentu ba selesaun juíz STJ no Tribunál Rekursu foun ne’ebé daudaun ne’e la’o hela.
Komisária Komisaun Rekrutamentu Selesaun Juís STJ no TR, Carmelita Caetano Moniz, informa iha enkontru ne’e Xefe Governu hato’o agradesimentu no apresiasaun ba servisu ne’ebé ekipa juri sira hala’o kona-bá selesaun juíz STJ nian no husu juri sira tenke hili Timoran sira ne’ebé mai ho kualifikadu.
“Primeiru-Ministru konfia tebes juri sira nia integridade, imparsialidade indepedénsia no juri sira nia esperiénsia ne’ebé boot tebe-tebes,” antigu membru Parlamentu Nasionál husi Bankada CNRT ne’e haktuir.
PM Xanana husu ho kapasidade ne’ebé juri sira iha atu halo avaliasaun teste ida-ne’e didi’ak hodi hetan Timoroan ne’ebé kualifikadu ba tuur iha STJ.
Komisária Komisaun Rekrutamentu Juís STJ ne´e hatutan Primeiru-Ministru hakarak Timor-Leste harii STJ ho juíz sira ne’ebé tenke mai ho kualifikadu atu hatuur didiak sistema judisiáriu tuir lei haruka.
Durante enkontru ne´e mós ekipa juri internasionál sira komprometidu atu servisu ho parsiál, independente no profesionál hodi hatuur prosesu hotu tuir rekizitu lei ne´ebé iha atu hetan juíz ne´ebé kompetente no kualifikadu ba Supremu Tribunál Justisa.
Ekipa Juri husi Portugal ne’e mak Juri João António Gonçalves Fernandes Rato, José Vítor Soreto de Barros, Manuel Perreira Augosto de Matos no António Luís Perreira Carneiro.
Jornalista : Zita Menezes
Written by: RafaFM
PM Xanana Husu Ekipa Juri Hili Timoroan Ne’ebé Kualifikadu Ba Juíz STJ
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt