Ouvir RAFA Ritmo, Voz e Coração de Timor
Díli, 14 Outubru 2026 (RAFA)– Deskonfia, Prezidente Tribunál Rekursu (PTR), Afonso Carmona, halo tentativa hodi “duni sai” Majistradu Juíz na’in-haat husi sira nia gabinte iha TJPID.
Tuir informasaun ne’ebé RAFA rekolla husi fonte oioin iha Tribunál Dili, Kuarta-ne´e, katak Prezidente Tribunál Rekursu Afonso Carmona iha dadeer-ne’e, orienta nian eskoltu nu’udar membru Korpu Seguransa Pessoal (CSP) bá Gabinete Majistradu na’in-haat hodi obriga sai husi Gabinete Tribunál Díli, bazeia desizaun transferénsia Konsellu Superior Majistratura Judisiál nian hodi sai hosi sira nia eskritóriu iha Tribunál Díli.
Majistradu sentrál, ne’ebé asume temporariamente kna’ar nu’udar sekretáriu judisiál, mosu iha nia eskritóriu ho funsionáriu tribunál ida no ofisiál polísia ida husi seguransa tribunál nian.
Informasaun seluk ne’ebé iha katak, karta ne’ebé Prezidente Tribunál Rekursu Afonso Carmona orienta nia eskoltu hodi bá hasai obrigatóriu Majistradu Juíz na’in-haat ne’e la’ós desizaun koletivu ka deliberasaun husi Konsellu Superior Majistratura.
Majistradu Juíz sira kontaktu Prezidente Tribunál Rekursu Afonso Carmona, hodi konvoka enkontru ruma, kona-bá preokupasaun ne’e, maibé nunka hetan resposta ruma to’o agora.
Observasaun RAFA iha terenu nota katak, Majistradu Juíz na’in-haat ne’ebé hetan transferénsia, no Majistradu Juíz seluk, tenta hasoru Juíz Administradór Yudi Pamukas, hato’o sira nia preokupasaun, maibé Yudi Pamukas taka odamatan hahú dadeer to’o meiudia mak foin sai husi nia eskritoriu.
Situasaun ida-ne’e, to’o Prezidente Repúblika José Ramos-Horta orienta mós nia Asesór sira osbserva direita, no ekipa husi programa Monitorizasaun Sistema Judisiáriu (JSMP), inklui Mandatariu bá Majistradu na’in-haat.
RAFA halo konfirmasaun bá Juíz Administradór Tribunál Judisiál Primeira Instánsia Díli, Yudi Pamukas, hatete, nia kontinua prepara no organiza Tribunál atu bele funsiona ho di’ak, inklui prepara fatin ba juíz sira ne’ebé hetan kolokasaun iha tribunál ne’e.
Yudi Pamukas esplika katak juíz sira ne’ebé hetan kolokasaun seidauk sai, no kona-bá razaun sira ne’e, tenke husu diretamente ba juíz sira rasik atu hetan esplikasaun kona-bá sira simu ka la simu desizaun kolokasaun ne’ebé foti ona.
“Ita tenta hela atu organiza Tribunál ne’e atu bele la’o ho di’ak, asegura fatin ba ita nia Juiz sira ne’ebé kolokadu mai, ne’e só ita boot sira entrevista sira no sira maka bele responde, sira simu ou la simu desizaun sai ona,” hatete Juíz Yudi Pamukas
Nia afirma, se juíz sira kontinua la sai, administrasaun sei haree medida saida mak bele foti tuirmai, atu kria kondisaun ne’ebé apropriadu ba juíz sira ne’ebé hetan kolokasaun iha Tribunál Díli.
Juíz Administradór Tribunál Díli ne’e mós subliña katak nia responsabilidade limita ba juíz sira ne’ebé hetan kolokasaun iha Tribunál Díli. Nia labele interfere iha asuntu juíz sira ne’ebé koloka iha tribunál seluk.
Tanba ne’e tuir nia katak laiha polémika iha nia kna’ar, tanba nia kontinua kumpri regra no kompeténsia ne’ebé Lei Organizasaun Judisiária fó ba Juíz Administradór, atu reprezenta no jere tribunál.
Yudi Pamukas esplika nia kna’ar mak jere Tribunál no kumpri kompeténsia nu’udar Juíz Administradór. Asuntu seluk nia nia labele fó komentariu
Nia haktuir mos katak nia servisu ida mos mak prepara fatin no organiza gabinete ba juíz sira ne’ebé sei koloka mai nu’udar prosesu administrativu ne’ebé administrasaun tribunál tenke hala’o.
Kona-bá prezensa eskolta Prezidente Tribunál Rekursu nian ne’ebé hasoru Juíz Administradór, Yudi Pamukas esplika katak asuntu ne’e relasiona ho seguransa ne’ebé mai atu koordena ho administrasaun tribunál, hodi haree situasaun balu. Maibé, to’o agora, seidauk iha asaun ruma ne’ebé hala’o.
Jornlista: Marcelino Tomae
Written by: RafaFM
PTR Carmona Halo Tentativa “Duni Sai” Majistradu Juíz Na'in-Haat
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt