Noticias

Kandidatu Juíz Konselleiru STJ Na’in-21 Pasa Ba Faze Entrevista

todayOctober 13, 2026 34 1

Background
share close

Díli, 13 Outubru 2026 (RAFA)- Kandidatu Majistradu na’in-21 ne’ebé pasa ona husi ezame eskrita  sei kontinua iha entrevista hodi kompete ba vaga neen  iha pozisaun Juíz Konselleiru  Supremu Tribunál Justisa.

Membru Komisáriu Komisaun Rekrutamentu, Carmelita Caetano Moniz, liu-husi konferénsia imprensa iha Antigu Tribunál Distritál Díli, Tersa-ne’e, husu bá konkorente sira ne’ebé pasa ona faze rua ne’e atu kontinua halo preparasaun ho di’ak, hodi enfrenta faze terseiru, ne’ebé sei hala’o liu-husi entrevista ne´ebé mais kompetitivu hodi prinse vaga-neen ne´ebé iha.

Nia fundamenta husi konkorente na’in-21 ne’ebé to’o iha etapa ne’e, sei iha vaga-neen de’it bá kargu juíze konselleiru iha Tribunál Supremu Justisa, tanba prosesu rekrutamentu ne’e sei tuir desizaun ikus hosi Konsellu Superior Majistratura Judisiál (KSMJ).

“Fó parabéns bá konkorente sira ne’ebé  pasa ona iha primeiru no segunda faze, ami husu katak halo preparasaun di’ak liután  hodi hakat liu-bá terseira faze, maka faze entrevista ho vaga-neen,  husi sira na’in-21,  sira hadau bá vaga-neen , ne’ebé  sei sai juíze  koselleiru iha supremu tribunál justisa, tuir konsellu  superior majistratura judisiál  ninia desizaun ikus liu,” hatete Carmelita Caetano Moniz.

Komisária rekrutamentu ne´e garantia katak  rezultadu ne’e imparsiál, tanba  durante ne’e dezde hahú iha teste esktrita juri sira seidauk koñese konkorente sira nia indetidade kompeletu.

Iha fatin hanesan membru Komisáriu Komisaun Rerekrutamentu José Pedro Camões esplika, tuir regra komun, sira ne’ebé  la pasa, fó tempu bá sira durante loron-15 atu halo reklamasaun direita bá juri.

“Depois juri sei halo  avaliasaun bá sira nia reklamasaun, tuir  tuir tempu no prazu mós sei públika fila fali, agora faze ne’e iha  inisiu, maibé rezultadu mak ida-ne’e, temporariu pasa tiha ona apto balu la apto 15 dias bá sira atu hatama sira nia reklamasaun dezde ke sira simu,” hatete Komisáriu Komisaun Rerekrutamentu José Pedro Camões.

Nia dehan, sei konkorente ne’ebé sente katak ezame eskrita, sente valór di’ak, tenke jutifika reklamasaun ne’e ho klaru, tanba ne’e reklamasaun ne’e hahú iha 11 to’o 17 tenke konklui ona reklamasuan, atu fó prazu loron-10 bá juri sira halo  koresuan bá reklamasaun.

Husi  konkorente na’in-32,  ne’ebé maka konkore bá iha juíz supremu tribunál jusitsa na’in-21 mak aptu ka pasa ba faze entrevista, no na’in-11 maka  la aptu ka pasa bá faze entrevista

Ministériu Públiku, Prokuradór Repúblika, na’in tolu maka konkore, maibé na’in-ida maka pasa, na’in-rua la pasa, no jurista rekoñesidu méritu  konkrenta hamutuk na’in-haat, tolu pasa faze enrevista, ida la pasa bá faze enrevista.

Komisaun Rekrutamentu Deside La Taka Valor Teste

Atu asegura dignidade júize senior sira, Komisaun Rekrutamentu deside la taka sai valór teste eskrita bá konkursu juíz Supremu Tribunál Justisa (STJ), atu nune’e labele hamihis konfiansa públiku bá iha setór justisa.

Membru Komisária Komisaun Rekrutamentu, Carmelita Caetano Moniz, hateten  valór avaliasaun iha prosesu rekrutamentu tenke mantein konfidensialidade, liu-liu bainhira prosesu ne’e envolve juízes husi Supremu Tribunál Justisa no Tribunál Rekursu.

Antigu Juiza ne’e esplika, regra kona-bá konfidensialidade valor avaliasaun ne’e hakerek ona iha regulamentu avaliasaun, no importante atu parte hotu-hotu komprende no respeita regra refere.

“Supremu Tribunál Justisa no Tribunál Rekursu, ita boot sira imajina bá  sei karik  mak tau sira nia valór, ita boot hatene  katak juízes sira ne’e la’ós foin horseik ka horbainrua,  sei ita konta husi UNTAET nia tempu  sira nia esperésnia bá karreira juíz ne’e mais 24 anos ona, agora imajina tau  valór aat liu, konfiansa  públiku bá tribunál oinsá,” hatete Carmelita Moniz Caetano.

Komisária ne´e  esplika, divulga  ka interpretasaun bá valor avaliasaun bele iha impaktu bá imajen no konfiansa públiku bá tribunál.

Nia afirma mezmu  sira la pasa, maibé sei fila fali bá karreira juíz Tribunál Primeira Instánsia, tanba na’in-sia  de’it  maka sei  okupa fatin iha Tribunál Rekursu, no na’in-neen bá supremu tribunál Justisa.

Tanba ne’e, transparansia ne’e la’ós kestaun valór públika ka la  públika,  maibé ho prezensa  juri internasionál sira ne’e,  hola parte  ona iha prosesu transparénsia.

Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!