Noticias

Xefe Estadu Husu Governu Hapara Temporáriu Eskola Ensinu Báziku Sira Kauza husi Poluisaun Anin Ne’ebé Akontese

todayOctober 13, 2026 764 1

Background
share close

Díli, 13 Outubru 2026 (RAFA)- Prezidente Repúblika, José Ramos-Horta husu Governu atu hapara temporáriu eskola ensinu báziku sira kauza husi poluisaun anin ne´ebé akontese, tanba labarik sira iha risku liu atu afeita husi kauza poluisaun ne’ebé akontese.

“Ha’u haruka mensajen ba governu, di’ak liu loron hira nia laran ne’e eskola sira taka, nune’e labarik sira labele la’o iha liuron ba halimar. Loron hira tan atmosfera, suar ne’e menus, se la’e problema respeiratóriu maka’as,” Prezidente Repúblika, José Ramos Horta hateten hafoin partisipa abertura seremónia tais forum ne’ebé realiza iha Palásiu Prezidensiál, Tersa ne’e.

Xefe Estadu esplika, Timor klasifikadu hanesan moderadu, Malázia, Singapura grave, tanba sira rabat loos Kalimantan. Tanba, ne’e primeiravez mak ahi suar ne’e mai to’o kedas iha ne’e, boot liu tanba El Niño mós.

Tamba ne´e ba medida prevensaun no protesaun ba sidadaun sira Prezidente Repúblika rekomenda taka eskola loron ruma nia laran, haree funsionáriu isin rua, idade uitoan feto ka mane di’ak liu hela iha uma. Maibé, ne’e fenómenu ida naturál dala ruma tanba mudansa klimátika, laiha buat ida, governu bele halo, eseptu taka eskola, taka servisu atu proteze an.

Jornalista: Cristina Ximenes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!