Ouvir RAFA Ritmo, Voz e Coração de Timor
Díli, 13 Outubru 2026 (RAFA)- Prezidente Komisaun F, trata asuntu Saúde, Seguransa Sosiál, no Igualdade Jeñeru, Maria Gorumali Barreto husu Komisaun Anti-Korrupsaun (CAC) no Ministériu Públiku (MP) atu halo investigasaun ba stock out ai-moruk ho kuantidade 43% ne’ebé akontese iha Instituto Nasionál de Farmácia e Produtos Medicós (INFPM) tanba mosu irregularidade barak.
Deputada Maria Gorumali Barreto hato’o asuntu ne’e ba jornalista sira, Tersa-ne’e, iha Parlamentu Nasionál hafoin komisaun F halo aprovasaun ba relatóriu fiskalizasaun INFPM iha loron 07 fulan-Outubru ne’e no hatán ba Diretora Ezekutivu INFPM Paulina Mendonça Maher, ne’ebé foin lalais ne’e halo konferénsia imprensa hodi rezeita informasaun husi Komisaun F kona-bá stock out ai-moruk.
“Agora ida diretora nian 16% ida-ne’e mak ha’u la hatene diretora ba foti dadus ne’e husi ne’ebé, sé diretora dehan komisaun F bosok ami nia dadus mak ne’e. Ha’u husu ba PSIC no mós Ministériu Públiku no CAC atu halo seriedade ba iha kazu ida-ne’e, ne’e gravé, ida-ne’e de’it nia dehan la’ós ida-ne’e, entaun dadus ne’e ami ba kaer husi ne’ebé,” Deputada Maria Gorumali Barreto hateten.
Deputada ne´e afirma tuir komisaun F nia hatene durante ne’e INFPM halo adjudikasaun direita maské laiha situsaun emerjénsia no la tuir prosedimentu kompra regular hodi afeita ba stock out ai-moruk ho numerú aas.
“Diretora iha nia entrevista kontra komisaun F katak ai-moruk kontentór haat ne’e nia bosok, , kontentor rua mak iha konsumoveis ho ai-moruk ne’e, mais kontentor rua ne’e mosqiteru ne’ebé hetan apoiu husi global farm,” tenik nia.
Reprezentante povu ne´e hatutan orsamentu jerál estadu 2026 Governu aloká millaun US$17 ba INFPM, no orsamentu millaun US$14 mak hodi kompra ai-moruk, maibé orsamentu ne’e INFPM uza la tuir prosedimentu.
Jornalista : Zita Menezes
Written by: RafaFM
Komisaun F Husu CAC no MP Investiga Problema Stock Out Ai-Moruk Iha INFPM
todayNovember 20, 2026 10 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt