DIT F.C Sei Rekruta Jogadór Estranjeiru Na’in-Tolu iha Époka 2026-2027

Asistente Treinadór DIT F.C, Jacinto Belo.

Díli, 13 Outubru 2026(RAFA)-Klubu  primeira Divizaun DIT F.C  planeia halo rekrutamentu ba jogadór estranjeiru na’in-tolu, hodi reforsa klubu iha  kompetisaun Liga Futébol Timor-Leste períodu 2026 -2027.

“Minimu ne’e na’in-tolu, nune’e labele barak no depende mós ba despezas klubu nian,” Asistente Treinadór DIT F.C, Jacinto Belo ba RAFA, Segunda -ne’e iha Díli.

Asistente Treinadór  ne’e mós afirma ba oin klubu sei kontinua halo servisu maka’ás hodi kontaktu fila-fali jogadór sira ne’ebe antes ne’e envolve ona iha klubu, atu partisipa ka la’e. Tanba, dadaun ne’e kuaze klubu barak mak buka hela jogadór .

‘’Ha’u fiar jogadór sira anteriór iha klubu DIT F.C,  lubuk ida mak sei iha no balun mós ita seidauk hatene mai ka la’e.  Ita kesi-metin sira iha termu kontratu depois jogu  ami hahú kontaktu fila -fali,” tenik Jacinto Belo.

Antes ne’e óragaun liga futébol Timor-Leste hala’o enkontru ho dirijente klubu no reprezentante  klubu sira, hodi tau ideia hamutuk  molok organiza jogu kompetisaun liga futébol Timor-Leste ba époka 2026 -2027. Tanba,  tuir  kalendariu husi FIFA no AFC nian ho full kompetisaun no órariu tentativa sei halo kick off  iha loron 18 fulan Novembru tinan ne’e.

Jornalista :  David Gonçalves