Ouvir RAFA Ritmo, Voz e Coração de Timor
Díli, 12 Outubru 2026 (RAFA)- Membru Parlamentu Nasionál husi Bankada CNRT, Saul Salvador hato’o lamentasaun husi komunidade Postu-Administrativu Suai, Munisípiu Covalima, relasiona ho presu simentu ne’ebé agora daudaun kada saku iha loja sira fa’an ho folin US$9.00.
“Ha’u hakarak hato’o preokupasaun ida husi povu ka sidadaun sira iha Suai kona-bá folin simentu ne’ebé agora daudaun sa’e maka’ás to’o US$9.00, ida-ne’e difikulta tebes sira atu halo sira nia uma no atu konstrui sira nian uma,” hatete Deputadu Saul Salvador iha plenáriu PN, Segunda-ne’e.
Membru Parlamentu Nasionál ne´e haktuir presu simentu US$9.00 ne’e sei difikulta empreza sira ne’ebé kaer obra Estadu tanba presu BoQ anteriór Governu aprová ho US$6.00 ba simentu kada saku, maibé agora presu US$9.00.
Relasiona asuntu ne’e, Vise-Ministru asuntu Parlamentár Adérito Hugo da Costa hatete, nia parte sei envia asuntu ne’e ba ministériu relevante sira hodi bele kontrola presu simentu sira iha merkadu sira.
Jornalista: Zita Menezes
Written by: RafaFM
Iha Suai Simentu Folin Sa’e Ba US$9.00 Kada Saku
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt