Ouvir RAFA Ritmo, Voz e Coração de Timor
Díli, 12 Outubru 2026 (RAFA)- Prezidente Komisaun A Parlamentu Nasioál, ne´ebé trata asuntu Konstituisaun no Justisa, Deputadu Natalino dos Santos informa, komisaun A iha lista lubuk ida kona-bá lei sira ne’ebé Parlamentu Nasionál aprová ona, maibé to’o ohin loron Governu la implementa.
“Ha’u foti ezemplu ida lei numerú 9/2026/20 Jullu rejimé juridikú ensinu apredisazen pratiká arte marsiais, aprová tiha ona, maibé nia prazu implementasaun dekretu to’o agora seidauk. Iha tempu badak Komisaun A sei haruka listajen ba lei sira ne’ebé aprová tiha ona, maibé nia implementasaun seidauk iha dekretu lei,” Deputadu Natalino dos Santos hateten iha nia intervensaun iha plenária, Segunda-ne’e hatete,.
Deputadu CNRT ne’e mós preokupa ho lei Kodigú Rekoperasaun Empreza Insolvénsia, ne’ebé to’o agora Governu mós seidauk iha implementasaun.
Reprezentante povu ne´e mós argumenta katak Komisaun A mós hanesan fiskalizadór ba implementasaun lei sira ne’e, tanba ne’e tempu badak Komisaun A sei haruka karta ba Governu hodi toma konsiderasaun no orienta membru Governu sira bele implementa lei sira ne’ebé tutela Governu tutela mai Parlamentu Nasionál.
Sorin seluk, Deputadu CNRT Saul Salvador sekunda mós kona-bá lei sira ne’ebé hetan ona aprová husi Parlamentu Nasionál no hetan promulgasaun maibé to’o agora laiha nia implementasaun.
“Ami komisaun D trata asuntu Ekonómia no Dezenvolvimentu mós hanesan. Lei lubuk ida hanesan lei pestesida lei exportasaun ne’ebé presiza kompleta lei komplementár sira atu kria, ne’ebé husu Governu atu follow-up para oinsá mak lei sira ne’e bele implementa,” hatete Deputadu Saul Salvador.
Hatán ba kestaun ne’e, Vise-Ministru Asuntu Parlamentár Adérito Hugo da Costa hatete, nia parte anota pontu importante ida-ne’e husi membru Parlamentu Nasionál hodi hato’o ba iha Governu.
“Sei hato’o ba membru governu sira hodi obedese ba komprimisu ba lei sira ne’ebé husi Parlamentu no dekretu lei sira ne’ebé entrada em vigór ona, no iha period transizaun iha diploma ministerial sira para implementa lei sira ne’ebé mak halo ona inklui id aba arte marsiais,” hatete Vise-Ministru Asuntu Parlamentár Adérito Hugo da Costa
Jornalista: Zita Menezes
Written by: RafaFM
Komisaun A Preokupa Governu la Implementa Lei sira ne´ebé Parlamentu Nasionál Aprova
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt